web counter
LEXO PA REKLAMA!

SHKARKO APP

App Store
Google Play

Shtyhet hapja e kampit të refugjatëve në Gjadër, shkak punimet

1 Gusht 2024, 13:53, Aktualitet CNA

Shtyhet hapja e kampit të refugjatëve në Gjadër, shkak

Nga 1 gushti, qendrat për pritjen e emigrantëve në Shëngjin do të duhej të ishin në funksion. Por një gjë e tillë nuk ndodhi.  

Në Shëngjin puna ka përfunduar, ndërsa në Gjadër siç shihet edhe në pamje, vijojnë ende punimet.

Ndërkohë, ambasadori italian në Tiranë, Fabrizzio Bucci, inspektoi sot dy qendrat dhe u shpreh se puna po avancon dhe gjithçka do të jetë gati brenda pak javëve.

“Brenda pak javëve qendra do të fillojë të funksionojë. Janë punët e fundit për t’u bërë. Siç e keni parë punët kanë ecur shumë mirë. Nëse nesër do të vinit sërish do të shikonit se puna avancon çdo ditë. Është e vështirë të thuash një datë, bëhet fjalë për pak javë. Qendra do të hyjë në funksionim shpejt. Siç e patë më herët qendra në Shëngjin tashmë është totalisht gati. Por të dyja qendrat do të funksionojnë paralelisht. Në Shëngjin do të bëhen procedurat e para, pastaj këtu është akomodimi. Nuk mund t’ju jap një datë të saktë, por ju them për pak javë. Siç po e shikoni këtu tashmë kanë ardhur nga Italia, Policia e Shtetit, karabinierët, Guardia di Finanza, personel nga Ministria e Drejtësisë, mjekë dhe infermierë nga Italia. I gjithë personeli që shërben për të funksionuar qendra. Bëhet fjalë për disa qindra persona”, tha ambasadori Bucci./CNA 

 





Lajmet e fundit nga