E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Besim Ndregjoni përkujton 2 meshtarët/ "A vriten meshtarët e lirisë, fesë dhe kulturës?"

31 Korrik 2024, 20:06, Aktualitet Besim Ndregjoni

Besim Ndregjoni përkujton 2 meshtarët/ "A vriten

Presidenti i Unionit Mbarëkombëtar Integrimit të të Burgosurve dhe të Përndjekurve Politikë të Shqipërisë, Besim Ndregjoni, ka përkujtuar 2 meshtarët Dom Lekë Sirdani dhe Dom Pjetër Çuni.

Ndregjoni thotë se Dom Lekë Sirdani dhe Dom Pjetër Çuni kanë qenë 2 figura të shquara të Kishës Katolike, përfaqësues të denjë të kulturës dhe intelektualë shqiptarë.

Teksa kujton vrasjen dhe torturat e diktaturës komuniste, ai hedh akuza ndaj Qeverisë, Parlamentit dhe Presidentit Bajram Begaj.

Deklarata e plotë:

Më 31 korrik 1948 vriten në tortura çnjerëzore dy meshtarë, dy përçues të besimit në Zot, dy priftërinj, dy intelektualë të kulturës shqiptare në Koplik të Malësisë së Madhe.

Dom Lekë Sirdani e Dom Pjetër Çuni kanë qenë dy figura të shquara, jo vetëm të Kishës Katolike, por edhe përfaqësues të denjë të kulturës dhe intelektualë shqiptarë të kohës së vet.

Xhelatët e Enver Hoxhës mbytën dy klerikë shqiptarë!

U torturuan në mënyrë barbare e të pashpirtshme. E bënë të sillej përreth famullisë së tij në zonën e Koplikut, pastaj e futën të gjallë në një pus ujërash të zeza dhe e lanë aty derisa vdiq më 31 korrik 1948, bashkë me Dom Pjetër Çunin.

Sot i kujtojmë këto martirë ne bashkëvuajtsi e tyre. Sot këto martirë nuk janë të qetë se politika shqiptare 34 vjeçare hesht për krimet e komunizmit.

Sot Shqipëria ka një shtet ifeologjik që nderon vrasësit e meshtarëve, sot ka një shtet qe ndryshe nga vendet e tjera ish-komuniste të Evropës, ajo sundohet nga pasardhësit e vrasësve të priftërinjve.

Shqipëria as nuk është ballafaquar me të kaluarën e saj tragjike komuniste dhe as nuk e ka ndërmend të dënojë krimet e atij regjimi barbar kundër popullit të vet.

Ka mbi 7 muaj që Presidenti, Parlamenti dhe Qeveria nuk i kthejnë përgjigje institucionit që i nderon këta figura, Unionit të Burgosurve dhe të Përndjekurve Politikë dhe që i mban gjallë në kujtesën kombëtare.

Sot ky shtet nuk i jep përgjigje institucioneve fetare që kërkojnë të dënohet krimi komunist që vrau barbarisht shqiptarët që deshën Zotin, Shqipërinë! Deri kur do të heshtin barbarët e demokracisë!/ CNA