web counter
LEXO PA REKLAMA!

SHKARKO APP

App Store
Google Play

E fundit!

x

Zjarret në Shëngjin, Çako: S’ka më vatra, situata është nën kontroll

31 Korrik 2024, 13:46, Aktualitet CNA
Zjarret në Shëngjin, Çako: S’ka më vatra, situata
Haki Çako

Kreu i Emergjencave Civile, Haki Çako, u shpreh se situata me zjarret në zonën e Shëngjinit është nën kontroll. 

Çako nënvizon se të gjitha vatrat janë shuar dhe është ndërprerë ndërhyrja me helikopterë. Sipas tij ka grupe në terren që po vazhdojnë me mbikëqyrjen dhe kontrollin e zonës.

Ai shtoi në fjalën e tij se vënia në lëvizje e dy avionëve italianë Canadair ka qenë suport i jashtëzakonshëm. 

Deklarata e plotë: 

Vënia në lëvizje e dy avionëve italianë Canadair kanë qenë suport i jashtëzakonshëm. Gjej momentin për të falënderuar heronjtë e kësaj historie, zjarrfikësit, strukturat operacionale të nivelit vendor dhe mbi 300 forca të FA, pa diskutuar prej gati 3 ditësh përfshirjen pa shkëputje të të gjitha stacioneve të mbrojtjes nga zjarri dhe shpëtimit të shumë bashkive. Shpresoj që situata të tilla të mos na sprovojnë, është diçka e rëndësishme që të kuptojmë se fatkeqësitë natyrore janë përgjegjësi e të gjithë qytetarëve dhe strukturave shtetërore. Jemi në gatishmëri dhe operojmë edhe në vende të tjera ku kemi prezentë zjarre.

Është djegur sipërfaqe e konsiderueshme pylli dhe kjo është një fazë tjetër që do vijë pas kësaj. Vlerësimi i dëmeve në pyje dhe objekte në një fazë tjetër. Janë duke u tërhequr tashmë se s’kemi më vatra zjarri, ka përfunduar operacioni dhe me helikopterë. Po vazhdojmë me mbikëqyrjen dhe kontrollin e zonës.

Helikopteri i FA ka qenë në operacion gjatë gjithë kohës. Zjarre ka pasur në gjithë vendin. Prandaj u bë kërkesa për ndihmë nga mekanizmi i mbrojtjes civile evropiane. Analiza bëhet pas këtij operacioni, helikopterët janë në proces, po operojnë në Tepelenë. Nuk ka helikopter për çdo fshat. Banorët të sinjalizojnë në kohë.

Të gjitha mjetet janë të nevojshme, jemi në kulmin e verës. Vendet e tjera janë duke u djegur, ka pasur edhe humbje jetësh të njerëzve. Ajo që vlen të theksohet është që energjia e burimeve njerëzore dhe përfshirja e gjithë shoqërisë është një domosdoshmëri./CNA 





Lajmet e fundit nga