web counter
LEXO PA REKLAMA!

SHKARKO APP

App Store
Google Play

Kush është drejtoresha e re e Kadastrës, që dikur shërbente si këshilltare

31 Korrik 2024, 12:02, Aktualitet CNA
Kush është drejtoresha e re e Kadastrës, që dikur
Lorena Goxhobelli

Dallëndyshe Bici është larguar nga detyra e saj në krye të Agjencisë Shtetërore të Kadastrës për të marrë drejtimin e IKMT-së.

Vendin e saj e ka zënë Lorena Goxhobelli, e cila më herët ka shërbyer si këshilltare e jashtme ligjore në Ministrinë e Mbrojtjes.

Kush është Lorena Goxhobelli?

Lorena Goxhobelli është diplomuar në vitin 2006 për drejtësi në Universitetin e Tiranës dhe ka kryer studimet master në ekonomi, me fokus administrimin publik, në periudhën 2009 – 2011.

Goxhobelli ka eksperiencë të gjatë në fushën e drejtësisë dhe është e fokusuar kryesisht në çështjet e pronësisë, administrimit të tokës, kontratat publiko-private për administrimin e pronës shtet, etj.

Në vitet 2014 – 2017 ka mbajtur postin e këshilltares ligjore të zëvendëskryeministrit, e më pas të këshilltarit ligjor të ministrit të Bujqësisë dhe Zhvillimit Rural, deri në muajin maj të vitit 2022.

Në periudhën 2009-2013 ka qenë e angazhuar si pjesë e ekipit të një kompanie ndërkombëtare, i cili zbatoi një projekt të financuar nga Bashkimi Evropian për ngritjen dhe forcimin e strukturave shtetërore për menaxhimin e decentralizuar të asistencës financiare të BE-së.

Ka qenë gjithashtu pjesë e administratës publike në vitet 2007-2009, fillimisht në Drejtorinë Juridike e më pas në Drejtorinë e Licencave dhe Menaxhimit të Kontratave në Ministrinë e Ekonomisë, Tregtisë dhe Energjetikës.

Ka eksperiencë akademike, fillimisht si asistente pedagoge e më pas si pedagoge e së Drejtës Ndërkombëtare Publike, të Drejtës Familjare dhe e së Drejtës Ndërkombëtare të të Drejtave të Njeriut në institucione publike dhe private të arsimit të lartë.

Aktualisht mban edhe postin e drejtorit të Divizionit Ligjor në Koorporatën e Investimeve Shqiptare. Ajo është anëtare e Dhomës Kombëtare të Avokatisë që prej vitit 2006./ CNA





Lajmet e fundit nga