web counter
LEXO PA REKLAMA!

SHKARKO APP

App Store
Google Play

E fundit!

x

Përmirësohet situata në Shëngjin/ Shmanget rreziku për banesat dhe bizneset

30 Korrik 2024, 22:53, Aktualitet CNA
Përmirësohet situata në Shëngjin/ Shmanget rreziku për
Pamje nga vendngjarja

Ministria e Mbrojtjes ka dhënë detaje nga zjarret në Shëngjin duke bërë me dije se situata është përmirësuar në orët e mbrëmjes falë ndërhyrjes së dy avionëve Canadair të ardhur nga Italia.

Sipas të dhënave është shmagur rreziku për banesat dhe bizneset. Sërish ditën e nesërme do të fillojë ndërhyrja nga ajri me mbështetje e palës italiane.

Ministria e Mbrojtjes ka falenderuar qindra forcat operacionale që ndodhen në terren për të shuar flakët.

“Situata e krijuar nga zjarret në disa zona të vendit, por veçanërisht në Shëngjin ka shënuar përmirësim në orët e mbrëmjes, pas punës së pandërprerë të qindra forcave operacionale në terren si dhe ndërhyrjes së dy avionëve Canadair të ardhur nga Italia, pjesë e mbështetjes nga Mekanizmi Evropian i Mbrojtjes Civile. Mirënjohje palës italiale për ndihmën si dhe palës suedeze për shprehjen e gatishmërisë. Sipas raportimeve të fundit është shmangur fatmirësisht rreziku për banesat dhe bizneset. Në orët e para të mëngjesit të nesërm do të fillojë sërish ndërhyrja nga ajri me mbështetjen e palës italiane dhe nga toka e qindra forcave operacionale.

Është bërë e mundur shuarja e flakëve në vatrën e zjarrit në Kaninë, bashkia Vlorë, ku zjarri përfshiu një sipërfaqe me ullinj si dhe në Nikël, ku u raportua një tjetër vatër zjarri, gatë ditës së sotme.

Mirënjohje të gjithë efektivëve të forcave zjarrfikëse, të Forcave të Armatosura, Policisë së Shtetit, Shërbimit Pyjor, Zonave të Mbrojtura e vullnetarëve për angazhimin në këtë betejë me flakët”, njofton Ministria e Mbrojtjes./ CNA

 





Lajmet e fundit nga