web counter
LEXO PA REKLAMA!

SHKARKO APP

App Store
Google Play

Zjarri në Bode/ Topçiu: Nuk mund të them që është i qëllimshëm

30 Korrik 2024, 18:42, Aktualitet CNA
Zjarri në Bode/ Topçiu: Nuk mund të them që
Kryebashkiaku i Maliqit, Gëzim Topçiu

Kryebashkiaku i Maliqit, Gëzim Topçiu ka folur për CNA për situatën e zjarrit në fshatin Bode. Kryebashkiaku u shpreh se mund të jenë djegur 50-100 hektarë pyll, shkurrë. Topçiu theksoi se po punohet ndonëse situata është shqetësuese për shkak të favorizimit të flakëve nga era.

“Nuk mund të japim një sipërfaqe të saktë.  Mund të jenë 50,60 deri në 100 ha pyll, shkurre, zonë e dëmtuar.  Të shpresojmë që të minimizohet sa më shumë dhe me ndërhyrjen e forcave të shumta që janë nga gjithë qarku i Korçës, është ushtria, policia Shërbimi Zjarrfikës, që dua t'i falenderoj. 

Edhe pse flakët e zjarrit janë shumë të mëdha nuk mund të ndërhyjmë dot, vetëm t’i kufizojmë në zona të veçanta. Po presim që të ulet edhe intensiteti i erës që e përhap në zona të ndryshme.  Jemi këtu të gjithë shpresojmë ta izolojnë edhe pse në çdo rast mund të kemi nevojë për ndërhyrje nga ajri”, tha ai.

I pyetur nëse zjarri është i qëllimshëm apo aksidental Topçiu u përgjigj:

“Nuk mund ta them nëse është zjarrvënie e qëllimshme, mund të jetë edhe aksidentale.  Nga banorë dhe ata që janë në këtë zonë pretendohet që para 4-5 ditësh kur ka rënë shi, mund të ketë pasur edhe një shkëndijë rrufeje e cila mund ta ketë shkaktuar zjarrin që mund të ketë marrë në trungjet e pishave të vjetra dhe nuk i është dhënë rëndësia e duhur. Para 4-5 ditësh kanë ndërhyrë forcat tona zjarrfikëse, e kanë eleminuar e kanë mbajtur nën kontroll, dita e sotme është për të ardhur keq e cila na ka vënë para faktit të kryer në një situatë shumë të vështirë.”/ CNA





Lajmet e fundit nga