web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet strofulla e prostitucionit në Lezhë/ Sekuestrohet drogë

31 Korrik 2024, 13:56, Aktualitet CNA

Zbulohet strofulla e prostitucionit në Lezhë/ Sekuestrohet drogë

Zbulohet strofulla e prostitucionit në Lezhë. 

Policia bën me dije se nga hetimet ka reuzultuar se shtetasi Krenar (Bashkim) Lika e kishte përshtatur lokalin e tij, për ushtrimin e prostitucionit dhe për shitjen e lëndëve narkotike.  

Policia ka arrestuar 2 persona, ka ndaluar dy të tjerë. Ndërkohë në kërkim është shpallur  K. K., 23 vjeç. 

Gjatë aksionit të policisë u sekuestruan doza të lëndëve të dyshuara narkotike kokainë dhe heroinë, bashkë me shumën 8000 euro dhe një automjet.

Njoftimi i policisë:

Si rezultat i hetimeve të kryera për disa javë, me metoda proaktive, nga Sektori për Hetimin e Narkotikëve në DVP Lezhë, në bashkëpunim me  Drejtorinë e Forcës së Posaçme Operacionale në Departamentin e Policise Kriminale, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Lezhë, DVP Lezhë finalizoi operacionin policor të koduar “Fazani”. Në kuadër të këtij operacioni:    

-u arrestua në flagrancë shtetasi Krenar (Bashkim) Lika 46 vjeç, banues në Malbardhe, Kurbin, për veprat penale “Mbajtja e lokaleve për prostitucion”, “Shfrytëzimi i prostitucionit” dhe “Prodhimi dhe shitja e narkotikëve”;  

-u arrestua në flagrancë shtetasja Blerina Leti 42 vjeçe, banuese në Bulqizë, për veprën penale "Prostitucioni";

-u ndalua shtetasi Ahmet Rizvani 32 vjeç, banues në Tiranë, për veprën penale “Prodhimi dhe shitja e narkotikëve”, kryer në bashkëpunim;

-u ndaluan shtetaset Alketa Volaj 37 vjeçe, banuese në Lezhë, Vjollca Haka30 vjeçe, banuese në Prishtinë dhe Klaudia Oshafi 20 vjeçe, banuese ne Laç, për veprën penale “Moskallëzimi i krimit". 

U shpall në kërkim dhe vijon puna për kapjen e shtetasit K. K., 23 vjeç, banues në Kurbin, për veprën penale “Prodhimi dhe shtija e narkotikëve”, kryer në bashkëpunim.

Nga veprimet hetimore dhe veprimet operacionale të kryera gjatë operacionit është zbuluar se shtetasi Krenar (Bashkim) Lika e kishte përshtatur lokalin e tij, për ushtrimin e prostitucionit dhe për shitjen e lëndëve narkotike.  

Gjatë kontrollit në ambientet e lokalit u gjetën dhjetëra doza të lëndëve të dyshuara narkotike kokainë dhe heroinë, të cilat u sekuestruan në cilësinë e provës materiale, bashkë me shumën 8000 euro dhe një automjet.

Vijojnë hetimet për dokumentimin e plotë të këtyre veprimtarive kriminale. Materialet procedurale i kaluan Prokurorisë, për veprime të mëtejshme./CNA 





Lajmet e fundit nga