web counter
LEXO PA REKLAMA!

SHKARKO APP

App Store
Google Play

FOTO/ Kanionet e Osumit, perlë e natyrës dhe destinacion turistik

1 Gusht 2024, 11:15, Aktualitet CNA

FOTO/ Kanionet e Osumit, perlë e natyrës dhe destinacion turistik

Kanionet e Osumit janë një perlë e natyrës dhe destinacion turistik. Ky vend magjik po vizitohet shumë jo vetëm nga qytetarët shqiptarë, por edhe nga të huajt. 

Grykat e Osumit, të njohura ndryshe edhe si "Kanionet i Skraparit", janë kanioni më i madh lumor në Shqipëri.

Ai gjendet në rajonin jugor të Republikës së Shqipërisë, përkatësisht në Qarkun e Beratit, Rrethi i Skraparit.

Pamjet mbresëlënëse të natyrës në këtë kanion e bëjnë atë një nga më tërheqësit në rajonin e Ballkanit.

Kanioni është krijuar prej forcave gërryese dhe tretëse të lumit Osum, të ushtruara në masën shkëmbore gëlqerore të strukturës antiklinale të Çorovodës, dhe është rreth 13 km i gjatë, nga 4 deri në 35 m i gjerë, i thellë deri në 70-80 m, me shpate vertikale. Koha e formimit të tij mendohet të jetë 2 deri në 3 milionë vite më parë.

Në muret vertikale të kanionit ka mjaft guva e zgavërime të formuara nga proceset e karstit. Midis tyre dallohet "Vrima e nuses", që ndodhet 800 m në afërsi të fshatit të Bigazit dhe që është një zgavër apo ndoshta një shpellë karstike në formën e një galerie me gjatësi 7-8 m dhe diametër rreth 2 m.

Me siguri në muret vertikale gëlqerore ka edhe shpella të tjera shumë më të mëdha, të cilat presin eksploratorët për t’i zbuluar dhe evidentuar vlerat e tyre të shumta./CNA 

 





Lajmet e fundit nga