Ndini Tavani, prokurori i refuzuar që duhet shkarkuar

1 Gusht 2024, 13:14, Aktualitet CNA

Ndini Tavani

Është i paaftë, është i korruptuar, ka pasuri të vëna padrejtësisht, nuk ka integritet? Cila është arsyeja që SPAK-u e refuzoi prokurorin Ndini Tavani?

Ky i fundit rëndom thuhet se fle mbi dosje, mban edhe çështje delikate nën sqetull për qejfet e tij, për të zgjidhur pazare edhe mediatike. Ndini Tavani është prokurori, i cili u zgjodh nga KLP-ja për të qenë anëtar i trupës së SPAK-ut, por pas një vetingu të bërë në këtë institucion, ai u rrëzua.(lexo këtu)

Në fakt, Ndini Tavani e kaloi edhe KPA-në me disa argumente që i kishin rrëzuar pretendimet që kishin pasur ekspertët për të mos kaluar atë, pra për të mos e lejuar që të vazhdojë punën si prokuror, pra për ta shkarkuar vetingu.

Ndërkohë që SPAK-u tashmë e rrëzon, lindin disa pyetje: Kush është korruptuar në KPA dhe pse? Kush ka qenë trupa e KPA-së që ka kaluar Ndini Tavanin?

Ky i fundit rezulton të jetë problematik dhe këtë e provoi SPAK-u, pasi refuzoi që t'i jepte detyrën. Në filtrat e SPAK-ut rezulton jo i përshtatshëm për të qenë pjesë e kësaj strukture.

Atëherë çfarë ka ndodhur me KPA-në? Kush është korruptuar dhe kush e korruptoi? Sepse një prokuor i refuzuar nga SPAK-u nuk mund të jetë më prokuror në detyrë. Ai minimalisht duhet të kishtë dhënë dorëheqjen ditën që e refuzuan, ose vetë SPAK-u duhet që të fillojë hetimet për çëshjet penale të cilat ngrihen menjëherë pas daljes së një prokurori problematik dhe pasi ai refuzohet. (lexo këtu)

Ndini Tavani

Sepse ai ka kaluar vetingun, çka do të thotë që ose ka pasur një veting nga të paaftë, apo një veting nga të korruptuar. Në të dyja rastet duhet hetuar. Ose Ndini Tavani ka fshehur diçka dhe sërish në këtë rast duhet hetuar.

Pra, jemi përballë faktit që kemi një prokuror që kalon vetingun, por SPAK-u s'e merr në detyrë, sepse gjen problematikë.

Nuk është e paktë. Ndini Tavnai nuk është një prokuror pa eksperiencë. Ndoshta dhe vetë e di shumë mirë se moskalimi i pragut të SPAK-ut ka një problematikë ligjore nga pas dhe për këtë duhet të përgjigjen disa institucione, ato që e kaluan në veting, por edhe vetë SPAK-u me qëndrimin e tij për të cilin duhet të hapen hetimet deri në fund për të dhe për këdo tjetër që vazhdon detyrën, edhe pse ka kaluar padrejtësisht vetingun.

Pasi ka dhe raste që në veting kanë ikur njerëz në mënyrë të padrejtë, ashtu siç ka edhe raste që kanë kaluar vetingun njerëz në mënyrë të padrejtë./CNA