web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi i Muçollarit për produktet e skaduara/ AKU: I kemi bllokuar

1 Gusht 2024, 14:16, Aktualitet CNA

Denoncimi i Muçollarit për produktet e skaduara/ AKU: I kemi

Pas denoncimit të bërë nga anëtari i kryesisë së PD-së, Grigels Muçollari, se AKU-ja ka fshehur njoftimet nga Italia për mocarelën e skaduar dhe të bardhën e vezës me përmbajtje salmonele, ka ardhur edhe një reagim nga vetë institucioni. 

Nëpërmjet një njoftimi, Autoriteti Kombëtar i Ushqimit thekson se po përhapen informacioneve të pavërteta mbi njoftimet e ardhura nga sistemi RASFF duke shkaktuar panik te konsumatorët.

AKU thekson se pas kontrollit zyrtar u kontatuan 12 kilogramë produkt i importuar, i cili është tërhequr nga tregu dhe bllokuar me destinacion asgjësimin e tij sasia prej 8 kilogramësh. 

"I bëjmë me dije opinionit publik lidhur me menaxhimin e rasteve nga ana e AKU-së për 2 njoftimet e etiketuara nga sistemi RASFF si më poshtë: Më datë 31.5.2024, nga sistemi RASFF jemi njoftuar për produktin Mozzarella (Treccia di mozzarella pugliese (mozzarella) 200 g) me datë skadence të deklaruar gabim, në të cilin Shqipëria është etiketuar për ndjekje. AKU mori masa të menjëhershme për kryerjen e kontrollit zyrtar, nga i cili u konstatua se nga 7,2 kg produkt te importuar më datë 15.5.2024, është tërhequr nga tregu dhe bllokuar me destinacion asgjësimin e tij sasia prej 6.2 kg. Për sa i përket njoftimin të ardhur nga sistemi RASFF më datë 3.6.2024 për produktin në vezë të lëngshme të pasterizuar e cila ka rezultuar me prani të Salmonella spp, në të cilin Shqipëria është etiketuar për ndjekje, sqarojmë se: AKU mori masa të menjëhershme për kryerjen e kontrollit zyrtar, nga i cili u konstatua se nga 12 kg produkt i importuar me datë 10.5.2024 dhe 14.5.2024, është tërhequr nga tregu dhe bllokuar me destinacion asgjësimin e tij sasia prej 8 kg.Autoriteti Kombëtar i Ushqimit është në gatishmëri për garantimin e sigurisë ushqimore në mbrojtjen e shëndetit të konsumatorit. Inkurajojmë të gjithë qytetarët të denoncojnë çdo rast, çdo tentativë abuzimi, pranë Autoritetit Kombëtar të Ushqimit në [email protected] si dhe pranë portalit të bashkëqeverisjes “Shqipëria që duam”. Siguria Ushqimore është një sfidë e përbashkët", thuhet në njoftim./CNA 





Lajmet e fundit nga