Denoncimi i Blendi Fevziut/ Gënjen Anila Denaj apo Edi Rama?

2 Gusht 2024, 15:05, Aktualitet CNA

Denoncimi i Blendi Fevziut/ Gënjen Anila Denaj apo Edi Rama?

Edi Rama, Anila Denaj dhe Blendi Fevziu

Gazetari Blendi Fevziu postoi në rrjetet sociale një proces të thjeshtë, matjen e nitrateve në disa fruta-perime. Pajisje të cilat në Europë i blen lehtësisht dhe kanë një certifikim të caktuar, patjeter janë sipas disa rregullave.

Menjëherë pas daljes së Blendi Fevziut dy ditë më parë, reagon ministrja e Bujqësisë, Anila Denaj. Zonja në fjalë na tha se pajisja me të cilat maste Blendi Fevziu ishte e pacertifikuar dhe i vetmi institucion që mund të bënte certifikimin ishte ISUV, një institucion shtetëror i fokusuar në akreditimin e testeve laboratorike.

Por si ka mundësi që të gënjejë një ministre kaq hapur dhe kaq publikisht? Ne bëmë një vëzhgim të thjeshtë dhe dhe çfarë kemi gjetur, me të njëjtën pasjije me të cilën doli publikisht Blendi Fevziu dhe tha se pjepri ishte me nitrat, një 1000 nga 90 mg/kg që duhet të jetë masa.

Matja e bërë nga gazetari Blendi Fevziu me pajisjen tek pjepri

Të njëjtën pajisje që ka përdorur Blendi Fevziu e ka përdorur kryeministri Rama. Kryeministri na thotë se sipas kësaj pajisjeje domatja shqiptare nuk ka nitrate. Tani pse me të njëjtën pajisje ajo që thotë Edi Rama për domaten e tij dhe ajo që thotë Fevziu për domaten apo pjeprin e tij na qenkan të ndryshme?

Ose ajo pajisje është e besueshme siç thotë kryeministri, ose është e pabesueshme siç thotë ministrja. Tani duhet ta ndajnë këtë punë Anila Denaj me Edi Ramën se Blendi Fevziu e nxori atë që kishte, pasi pa që Edi Rama më përpara kishte përdorur të njëjtën pajisje. Ndaj zonja ministre, përpara se të dalë më mirë ta verifikojë se cila nga pajisjet vlen, ajo e Edi Ramës apo ajo e Blendi Fevziut?

Në fakt janë të dyja të njëjta dhe në këtë rast nuk bie as denoncimi i Blendi Fevziut, as denoncimi i Edi Ramës, por bie ministrja.

Në rastin e kryeministrit matja e bërë mund të jetë domate e cila s’ka pasur nitrate, kurse në rastin e Blendi Fevziut është bërë matja në një produkt bujqësor që ka nitrate, por pajisja është e njëjtë ndaj dhe nuk ndryshon standardi i pajisjes, por ndryshon mendja e ministres dhe këtu është ministrja që bie, që përdoret si papagall për propagandë dhe për të gënjyer opinionin publik./CNA