web counter
LEXO PA REKLAMA!

SHKARKO APP

App Store
Google Play

Tenderat për barnat/ Klodian Allajbeu përgënjeshtron publikimet: Tërësisht të sajuara

25 Korrik 2026, 18:45, Aktualitet CNA

Tenderat për barnat/ Klodian Allajbeu përgënjeshtron publikimet:

Drejtori ekzekutiv i Spitalit Amerikan, Klodian Allajbeu, i është përgjigjur sot disa pretendimeve të pavërteta të publikuara së fundmi në lidhje me të dhe aktivitetin e tij profesional.

Bëhet fjalë për disa publikime lidhur me tenderat e barnave.

Përmes një postimi në rrjetet sociale, Allajbeu shprehet se të gjitha pretendimet janë tërësisht të sajuara.

Sipas Allajbeut, detyrimet e medias për të informuar publikun, janë po aq të rëndësishme sa edhe verifikimi i fakteve, ndërsa thekson se këtë çështje do ta ndjekë përmes rrugëve ligjore.

“Ditët e fundit janë publikuar në disa portale pretendime të pavërteta që lidhen me personin tim, dhe aktivitetin profesional. Dua t’i përgënjeshtroj qartësisht: këto pretendime janë tërësisht të sajuara.

I kuptoj edhe detyrimet e medias për të informuar publikun, por po aq të rëndësishme janë edhe verifikimi i fakteve, respektimi i etikës profesionale dhe i së vërtetës. Liria e shprehjes nuk mund të shndërrohet në liri për të shpifur.

Për këtë arsye, kam vendosur të ndjek të gjitha rrugët ligjore për të kërkuar përgjegjësi ndaj autorëve dhe publikuesve të këtyre shpifjeve. Besoj se kjo është mënyra e duhur për të mbrojtur jo vetëm dinjitetin tim dhe të familjes sime, por edhe reputacionin e kolegëve dhe profesionistëve të ndershëm që përmenden padrejtësisht në këto publikime.

Kam besim se institucionet do ta trajtojnë këtë çështje me seriozitet dhe se e vërteta do të dalë në dritë”,-shkruan Allajbeu./CNA





Lajmet e fundit nga