web counter
LEXO PA REKLAMA!

SHKARKO APP

App Store
Google Play

Skandaloze, pas 4 muajsh, Urgjenca e QSUT-së kthehet në funksion

24 Qershor 2024, 19:02, Aktualitet CNA
Skandaloze, pas 4 muajsh, Urgjenca e QSUT-së kthehet në funksion
Pamje e shkeputur nga video e publikuar nga ministrja Albana Koçiu

Pas më shumë se 4 muaj, që nga dita kur u përfshi nga zjarri, Urgjenca e QSUT-së është kthyer në funksion në shërbim të pacientëve.

Ky rast është denoncuar nga CNA, ku përmes disa artikujve zbulonte gjendjen në të cilën ndodhej Urgjenca e Kardiologjisë e cila ishte jashtë funksionit dhe për këtë pacientët duhet të sorollateshin në dyert e spitalit të Sanatoriumit për të marrë shërbimin mjekësor.

Me ditë e javë të tëra në pritje, sot ministrja Albana Koçiu shet propagandën se pas 4 muajsh është rikthyer në funksion Urgjenca e QSUT-së.

Më shumë sesa një shërbim, në fakt ky është skandal, se si për më shumë se 4 muaj pacientët janë përplasur dyerve të spitaleve të tjera, pasi Urgjenca e QSUT-së ishte jashtë funksionit.

Po ashtu skandaloz është fakti që u deshën 4 muaj që autoritetet të gjenin një zgjidhje për qytetarët.

"Urgjenca e QSUNT është në funksion të plotë dhe në shërbim të qytetarëve, duke ofruar kujdes cilësor dhe të shpejtë për të gjithë ata që kanë nevojë.

Bashkë me Prof. Dr. Albanin, Prof. Dr. Mondin dhe ekipin fantastik të këtij spitali, diskutuam se si ta përmirësojmë edhe më tej shërbimin e ofruar dhe për ta bëjmë sa më të aksesueshëm për qytetarët.

Prej disa ditësh, pacientët mund të kryejnë koronarografinë edhe në shërbimin e hemodinamikës në QSUNT", shkruan Koçiu./ CNA

 





Lajmet e fundit nga