web counter
LEXO PA REKLAMA!

SHKARKO APP

E fundit!

x

Trafiku i qenieve njerëzore/ DASH publikon raportin vjetor

24 Qershor 2024, 17:10, Aktualitet CNA
Trafiku i qenieve njerëzore/ DASH publikon raportin vjetor
DASH

Departamenti amerikan i Shtetit ka publikuar raportin vjetor mbi trafikun e qenieve njerëzore në mbarë botën. 

Sekretari i Shtetit Anthony Blinken ka deklaruar se, dokumenti ofron vlerësimin rreth fenomenit të trafikut të qenieve njerëzore si dhe përpjekjeve të qeverive për ta luftuar atë.

Sipas Blinken 27 milionë individë në të gjithë botën janë të shfrytëzuar për punë, shërbime dhe seks komercial.

Nëpërmjet forcës, mashtrimit dhe detyrimit, njerëzit detyrohen të punojnë në fusha dhe fabrika, në restorante dhe banesa, shkruan Voa.

Sipas raportit viktima janë individët më të pambrojtur në botë, duke përfituar nga gjendja e tyre e vështirë.

Raporti i ndan vendet në tre nivele ku në nivelin e parë përfshihen vendet, qeveritë e të cilave respektojnë plotësisht standardet minimale.

Në nivelin e dytë hyjnë ato vende, përpjekjet e të cilave nuk plotësojnë tërësisht standardet minimale, por që qeveritë bëjnë përpjekje të konsiderueshme për ta arritur një gjë të tillë.

Në nivelin e tretë futen vendet përpjekjet e të cilave nuk plotësojnë tërësisht standardet minimale dhe që qeveritë nuk bëjnë përpjekje në këtë drejtim.

Si Shqipëria ashtu edhe Kosova renditen në kategorinë e vendeve të nivelit të dytë./ CNA





Lajmet e fundit nga