web counter
LEXO PA REKLAMA!

SHKARKO APP

App Store
Google Play

E fundit!

x

Berisha shtrin dorën për bashkim/ Përsërit thirrjen për demokratët

24 Qershor 2024, 18:26, Aktualitet CNA
Berisha shtrin dorën për bashkim/ Përsërit thirrjen për
Kreu i PD-së Sali Berisha

Kreu i PD-së Sali Berisha, në mbledhjen e Kryesisë së PD-së u ka bërë edhe njëherë thirrje demokratëve që të bashkohen kundër armikut të Shqipërisë, kryeministrit Edi Rama.

Berisha është shprehur se ky nuk quhet një bashkim për festë por bashkim për betejë ndaj armikut më të egër për të ardhmen e Shqipërisë.

Kreu i PD-së paralajmëroi të tijtë se nuk duhet të qëndrojnë vëngër apo të kenë hatërmbetje por të bëhen gati të mirëpresin demokratët që duan të kthehen në shtëpinë e tyre.

Ai thekosi se sot më shumë se kurrë PD dhe opozita duhet të jetë e bashkuar.  

“Kryesia mblidhet sot me moton më kryesore të bashkimit të gjithë demokratëve rreth flamurit të partisë së tyre, rreth idealeve, kontributeve dhe mendoj se mesazhi nmë kryesor që përcjell kjo mbledhje është mikpritja e të gjithë atyre që në vite dhanë kontribute të pamohueshme në këtë parti dhe që për një arsye apo një tjetër, kanë hezituar të bashkohen me shumicën duke patur siç ka çështjen e logos flamurit të cilat si një padrejtësi e madhe, morën fund këto ditë.

Përsëris thirrjen për të gjithë demokratët që besojnë në idealet që kanë mbrojtur dhe kontributin që kanë dhënë të bashkohemi dhe të vazhdojmë betejën tonë. Nuk është një bashkim në festë por një bashkim në një betejë të një rëndësie jetike dhe vendimtare për të ardhmen e Shqipërisë .

Ju drejtohem ju, është në detyrën tuaj dhe të gjithë strukturave të partisë sonë të bëjmë gjithçka për të mirëpritur në shtëpinë e tyre të gjithë ata demokratë që e ndjejnë veten të tillë dhe duan të bashkohen me ne.

Asnjëri prej nesh nuk ka të drejtë të shohë asnjë prej tyre me syvëngër, me hatërmbetje dhe me skepticizëm.

Nëse keni parasysh faktin që ky është bashkim në betejë para se t’i lejojë vetes skepticizmit, të mos harrojë se i bën një të mirë armikut tonë të përbashkët, armikut të egër, Edi Ramës.

PD ka nevojë të bashkohet sot më shumë se kurrë. Sot në kushtet në të cilat ndodhet Shqipëria dhe shoqëria shqiptare një front i gjerë dhe i bashkuar opozitar është i një rëndësie vendimtare", tha Berisha/ CNA





Lajmet e fundit nga