Gazetarja Klodiana Lala ka deklaruar se duhet një hetim i ...
Situatë emergjente nga inceneratorët në Tiranë/ Veliaj drejton gishtin nga të tjerët
23 Nëntor 2023, 17:15, AktualitetCNA
Erion Veliaj
CNA pak kohë më parë publikoi pamje nga inceneratori i Tiranës ku bëri me dije se, situata me mbetjet në landfill është katastrofike.
Këtë të enjte, kreu i Bashkisë Tiranë, Erion Veliaj deklaroi se personat të cilët nuk vijojnë linjën e duhur kudo që janë duhet të mbajnë vetë përgjegjësi dhe nuk ka pse të mbajnë të tjerët.
Madje ai e krahasoi situatën me aferën e inceneratorëve me atë të një rrjeti taksi, ku tha se nëse një taksixhi është i dehur, atëherë ai që duhet të dënohet dhe të përjashtohet nga zinxhiri i taksive është i dehuri dhe jo të gjithë taksixhinjtë.
Pra në këtë mënyrë Valiaj shprehi dhe një herë qëndrimin e tij për inceneratorët duke thënë se puna për pastrimin e Tiranës duhet të vijojë, madje tashmë Tirana do të marrë në administrim dhe pastrimin e fshatrave.
“Për pastrimin dhe menaxhimin e mbetjeve Tirana do të menaxhojë të gjithë metropolitanin. Bashkia e Tiranës do ta marrë vetë të gjithë pastrimin e qytetit. Po ju kujtoj që kur dilte reja e verdhe mbi Sharrë, kur shumë komunitete ziheshin për kanaçe. Jam i sigurt që mund të ketë një taksixhi të dehur por nuk mund të ndalojmë të gjithë taksixhinjtë. Kështu që Tirana do të vazhdojë të pastrohet. Nuk vjen zana e malit t’i marrë. Ne do të sigurohemi që Tirana të pastrojë jo vetëm qendrën, por dhe fashatin më thellë.”, tha Veliaj./ CNA
