web counter
LEXO PA REKLAMA!

SHKARKO APP

App Store
Google Play

E fundit!

x

4 në pranga dhe 6 në kërkim pas zbërthimit të bisedave në "Sky"/ Shtyhet me 1 orë seanca në GJKKO

23 Nëntor 2023, 10:35, Aktualitet CNA

4 në pranga dhe 6 në kërkim pas zbërthimit të bisedave

4 persona ranë në pranga, 6 të tjerë janë në kërkim dhe një oficere policie është lënë në detyrim paraqitje pas zbërthimit të disa bisedave në aplikacionin “Sky”.

Nga operacioni i SPAK-ut u vunë në pranga Erzen Breçani, ish-zv.drejtori i Policisë së Tiranës, Dedan Gjoni, Shefi i Krimeve në Komisariatin numër 6, Besmir Murati dhe Bujar (Ajazi) Germizi, ndërsa në "detyrim paraqitje" është Jonida Babameto, oficere e Drejtorisë së Kufirit dhe Emigracionit.

Sot të akuzuarit do të dalin para GJKKO-së, por seanca është shtyrë me një orë.

Arsyeja e shtyrjes është kërkesa e avokatëve, që donin kohë të njiheshin me aktet e dosjes në fjalë.

Kujtojmë se në kërkim nga SPAK-u janë Ismail Zeneli, Artan Sulejmani, Albert Prenga, Bajram Germizi, Bajram Grabova dhe Ervin Mata.

Ndaj personave nën hetim rëndojnë akuzat për veprat penale të “Sigurimi i kushteve dhe i mjeteve materiale për të kryer vrasje”, “Mbajtja pa leje dhe prodhimi i armëve, armëve shpërthyese dhe i municionit”, “Prodhimi dhe shitja e narkotikëve”, “Trafikimi i narkotikëve”, “Pastrimi i produkteve të veprës penale ose veprimtarisë kriminale”, “Grupi i strukturuar kriminal”, “Kryerja e veprave penale nga organizata kriminale dhe grupi i strukturuar kriminal”./ CNA





Lajmet e fundit nga