web counter
LEXO PA REKLAMA!

SHKARKO APP

App Store
Google Play

E fundit!

x

Samiti i Diasporës/ Rama tregon vizitën më mbreslënëse: Më ka mbetur në një raft të veçantë të kujtesës

22 Nëntor 2023, 18:21, Aktualitet CNA
Samiti i Diasporës/ Rama tregon vizitën më mbreslënëse:
Kryeministri, Edi Rama

Kryeministri, Edi Rama gjatë fjalës së tij në Samitin e Diasporës tha se ndër momentet më mbreslënëse që ka përjetuar është vizita te arbëreshët.

Madje ai tha se kjo vizitë ka mbetur në një raft të veçantë të kujtesës.

Rama thotë se ishte pikërishtë ajo vizitë ku dhe lindi ideja e një bashkëpunimi institucional për të ndërtuar një proces duke ecur dorë për dore në funksion të një mbështetje të strukturuar që shteti shqiptarë duhet t’i japë këtij thesari.

“Vëllezër dhe motra nga arbëria është privilegj t’ju drejtohesh stërnipërve të Skenderbeut në gjuhën e Skenderbeut në këtë ditë që mbledh Shqipërinë me shqiptarët. Kam përjetuar shumë gjera për shkak të detyrës që kam por mes shumë kulturash të ndryshme tërheqëse të bukura, mbreslënëse, emocioni i vizitës te arbëreshët më ka mbetur në një raft të veçantë të kujtesës. I kam të pashlyeshme mbresat e sheshit të vogël të qytezës së parë ku zbritëm, valet dhe këngët e fëmijëve arbëresh, të moçmit e asaj qyteze që qëndronin nëpër ballkone e na shikonin. Atje lindi dhe ideja e kësaj dite të veçantë arbëreshe dhe për herë të parë arbëria dhe arbëreshët nuk janë një prezencë për të plotësuar një panoramë folklorike as për të zbukuruar këtë samit me vehsjet e tyre por janë të pranishëm përmes një përfaqësie të tyre dhe kësaj përpjekje të përbashkët për të vendosur një gurë në një rrugë që duhet ta vazhdojmë së bashku.

Atje lindi ideja e një bashkëpunimi institucional për të ndërtuar një proces duke ecur dorë për dore në funksion të një mbështetje të strukturuar që shteti shqiptarë duhet t’i japë këtij thesari.”, tha ai./ CNA





Lajmet e fundit nga