web counter
LEXO PA REKLAMA!

SHKARKO APP

App Store
Google Play

E fundit!

x

Debate të forta në Komisionin e Ekonomisë/ Spaho flet për buxhetin, Braçe: Sharlatanëve duhet t’u vihet fre

22 Nëntor 2023, 15:30, Aktualitet CNA
Debate të forta në Komisionin e Ekonomisë/ Spaho flet për
Fotomontazh Erion Braçe dhe Edmond Spaho

Mbledhja e Komisionit të Ekonomisë e cila u zhvillua "online" u shoqërua me debate të forta mes deputetit socialist, Erion Braçe dhe atij demokrat, Edmond Spaho.

Spaho solli në vëmendje se buxheti për vitin 2024 u miratua në vetëm 5 minuta dhe kërkoi që të ketë reflektim nga mazhoranca pasi sipas tij nëse mazhoranca nuk ndryshon qëndrim atëherë do të vijojë e njëjta situatë në Parlament.

Spaho tha se kthimi i Parlamentit në normalitet nuk është vetëm një kërkesë e demokratëve, por dhe e ndërkombëtarëve.

“Përfaqësuesit e SHBA-së, Britanisë, Gjermanisë dhe Komisionit Evropian kanë tërhequr vëmendjen për nevojën e një parlamenti normal në përputhje me ligjet, dhe se dialogu mes mazhorancës dhe opozitës është një element thelbësor për integrimin në Bashkimin Evropian. Janë ata që po kërkojnë prej kohësh, parlamenti të kthehet në normalitet, të plotësohen kërkesat legjitime për krijimin e komisioneve hetimore parlamentare si dhe për komisionin e reformës zgjedhore. Ka ardhur koha t'i jepnin fund qëndrimit kokëfortë dhe jotolerues, dhe të respektoni të drejtat kushtetuese të opozitës, dhe të mos vazhdoni të votoni dhe duartrokisni sikur të jeni automat dhe jo politikanë të një vendi që do të anëtarësohet në BE”, tha Spaho.

Pas fjalës së Spahos ka reaguar menjëherë Erion Braçe i cili tha se ndezja e flakëve në Kuvend është një ngjarje kriminale.

“Zjarri mes Kuvendit është një akt i pastër kriminal, që rrezikon jetën jo vetëm të deputetëve, por që rrezikon jetën institucionale dhe kushtetuese të Republikës së Shqipërisë. Buxheti nuk është miratuar ende, sepse diskutimi nen për nen është ai që vlen. Votimi më 7 dhjetor është proces i miratimit të buxhetit të shtetit. Kush e ka pasur mendjen të ndjekë sherrin, për te buxheti për 5 minuta është votuar.”, tha Braçe.

Spaho tha se nëse nuk do të ndryshojnë sjellje maxhoritarët atëherë asgjë nuk do të ndryshojë.

“Kur vazhdoni me këtë gjuhë, me këtë logjikë do të thotë që nuk keni ndryshuar asnjë. Nëse ju nuk ndryshoni asnjë edhe nëse do vazhdojmë po me atë sjellje që keni parë, qoftë në komisione apo në seancat plenare.”, tha Spaho.

Braçe thotë se çdo sharlatani që është në Kuvend për t'i lëpirë fytyrën Sali Berishës, duhet t'i vihet fre.

“Zotëria që foli e ka bërë baltë edhe në këtë komision me fyerje të drejtpërdrejta të anëtarëve të këtij komisioni. E ka bërë baltë edhe në sallën e seancave plenare, duke vënë dorë, ky tipi ka vënë dorë edhe mbi gratë e Kuvendit. Këtij sharlatani dhe çdo sharlatani tjetër që është në Kuvend për t'i lëpirë fytyrën Sali Berishës, duhet t'i vini fre. Nuk ia ka njeri për borxh t’i dëgjojë fyerjet. Pecetat higjieno-sanitare për burra si puna e këtij do t'i japin falas.”, tha Braçe./ CNA





Lajmet e fundit nga