web counter
LEXO PA REKLAMA!

SHKARKO APP

App Store
Google Play

E fundit!

x

240 kg kokainë nga Brazili drejt Gjermanisë/ Zbardhen bisedat e Ervin Matës: E kapën në Frankfurt, do dalim në gazetë

22 Nëntor 2023, 15:53, Aktualitet CNA
240 kg kokainë nga Brazili drejt Gjermanisë/ Zbardhen bisedat e Ervin
Ervin Mata

Zbardhen bisedat e Ervin Matës në SKY ECC, tashmë në kërkim nga autoritetet shqiptare për trafik ndërkombëtar droge nga vendet e Amerikës Latine drejt Evropës. 

Raportohet se Ervin Mata komunikon në gjuhë të huaj dhe nga biseda e zhvilluar dyshohet se ka trafikuar një sasi prej 250 kg lëndë narkotike nga Brazili për në aeroportin e Frankfurtit në Gjermani. 

Gjatë komunikimit Mata u tregon bashkëpunëtorëve të tij se i është sekuestruar sasia prej 240 kg kokainë, në aeroportin e Frankfurtit.

"Rezulton se në muajin shtator 2020, përdoruesi i SkyECC GS4TDD, i identifikuar si Ervin Luan Mata, bashkëbisedon në gjuhë të huaj në grup chat-in e emërtuar 6H06SK:57. Nga biseda e zhvilluar dyshohet se ky shtetas në bashkëpunim me përdorues të tjerë SkyECC, pjesëmarrës në grup chat, kanë trafikuar një sasi prej 250 kg lëndë narkotike kokainë nga Brazili për në aeroportin e Frankfurt am Main-Gjermani. Lidhur me këtë bisedë, evidentohen edhe biseda të datës 29.09.2020 me përdorues të tjerë shqipfolës, ku shtetasi Ervin Mata i tregon që i janë kapur dhe sekuestruar një sasi prej 240 kg, sasi e cila lidhur me problematikën e nxjerrjes nga aeroporti dhe mbërritjen në Frankfurt diskuton edhe në grup chat-in 6H06SK:57.

10.6.2. Me datë 29.09.2020, në or 140914 shtetasi Ervin Mata duke përdorur GS4TDD, komunikon me përdoruesin e paidentifikuar AOSHUI dhe i tregon që i janë kapur një sasi prej 240 kg në Frankfurt dhe të presë nesër që të dalë në gazetë.

Ata shkëmbejnë mesazhet: "...Ili un e shes me 35...

Ramazanit ma ka pagu 34. Ato mund ta dun dhe ner heletik Pom!’, shkruhet në dosjen hetimore. 

Gjatë operacionit të SPAK-ut, të zhvilluar dy ditë më parë, ranë në prangat e policisë 4 persona, ish-zv.drejtori i Policisë së Tiranës, Erzen Breçani, Dedan Gjoni, Shefi i Krimeve në Komisariatin numër 6, Besmir Murati dhe Bujar (Ajazi) Germizi, emër i njohur i botës së krimit në Kukës. 

Masë "detyrim paraqitje" Gjykata e Posaçme ka vendosur ndaj Jonida Babametos, oficere e Drejtorisë së Kufirit dhe Emigracionit.

Në kërkim janë: Ismail Zeneli, Artan Sulejmani, Albert Prenga, Bajram Germizi, Bajram Grabova dhe Ervin Mata.

Dyshohet se Ervin Mata dhe Eralbi Breçani ndodhen në vendet e Amerikës Latine./CNA





Lajmet e fundit nga