web counter
LEXO PA REKLAMA!

SHKARKO APP

E fundit!

x

“Nuk garantohen operacionet dhe analizat”/ Berisha: Shifrat e buxhetit dramatike për shëndetësinë dhe arsimin

22 Nëntor 2023, 17:58, Aktualitet CNA
“Nuk garantohen operacionet dhe analizat”/ Berisha: Shifrat e
Ish-kryeministri, Sali Berisha

Ish-kryeministri, Sali Berisha thotë se buxheti i vitit 2024 është një buxhet vjedhjeje pasi nuk garantohen shërbimet jetike si operacionet dhe analizat e domosdoshme.

Në një takim me ekspertë dhe drejtues të Departamenteve të Arsimit, Shëndetësisë, Çështjeve Sociale, Rinisë dhe Kulturës zhvillon diskutime për Projekt-Buxhetin 2024 berisha u shpreh se shifrat e këtij buxheti janë dramatike si për shëndetësinë dhe për universitetin ku nuk mundësohet kërkimi shkencor.

“Një  sektor aq jetik si shëndetësia është në shkatërrim e sipër. Me një buxhet nga 5 për qind që ishte premtuar katandiset në 1.3 përqind. Buxheti për shëndetësinë është një buxhet vjedhjeje, gjobe e ndëshkimi për qytetarët. Me këtë buxhet nuk garantohen shërbimet jetike si operacionet, analizat e domosdoshme. I tillë është buxheti i arsimit, është buxheti de facto i rrënimit të arsimit universitar. Një ulje dramatike të investimit në fushën e kërkimeve. Universitetet  tona po reduktohen pa kërkimin shkencor. Është dramatike. Një universitet e mban kërkimin shkencor. Një fakultet mjekësie e dallon nga një shkollë të mesme mjekësie kërkimi shkencor. Fondet janë ulur me 30-40 për qind ndonëse kanë qenë minimale. Ankohen se universitetet nuk i administrojnë mirë. Bordet e kancelarët i administron qeveria. Shifrat e këtij buxheti janë dramatike për dy sektorë jetik të mbarë shoqerisë sonë.”, tha Berisha./ CNA 





Lajmet e fundit nga