web counter
LEXO PA REKLAMA!

SHKARKO APP

App Store
Google Play

E fundit!

x

Lihet në qeli Erzen Breçani dhe Shefi i Krimeve të Komisariatit nr.6

23 Nëntor 2023, 13:05, Aktualitet CNA
Lihet në qeli Erzen Breçani dhe Shefi i Krimeve të Komisariatit
SPAK

Gjykata e Posaçme la në fuqi masën "arrest me burg" për Erzen Breçanin, ish-zv.drejtori i Policisë së Tiranës, Dedan Gjonin, Shefi i Krimeve në Komisariatin numër 6, Besmir Muratin dhe Bujar (Ajazi) Germizi. 

Gjatë seancës së sotme në GJKKO, ish-zv.drejtori i Policisë tha se ndodhet prapa hekurave për shkak të djalit të tij. 

"Nuk e di çfarë ka bërë im bir. Nuk kam prova se çfarë ka bërë im bir. Vetë i kam shërbyer këtij shteti, kam vënë jetën në rrezik. Nëse jam në burg, jam prej djalit. E kam këshilluar të mos merret me gjëra të paligjshme. Kam zhvilluar aksione dhe kam arrestuar njerëz të botës së krimit", mësohet se ka thënë Breçani. 

Disa ditë më parë, SPAK lëshoi 11 urdhër-arreste për grupin kriminal, nga të cilat u ekzekutuan 5 prej tyre duke arrestuar ish-zv.drejtorin e policisë së Tiranës, Erzen Breçanin, nën akuzën e sigurimit të mjeteve për grup kriminal, Dedan Gjonin shef të krimeve në komisariatin numër 6, i cili akuzohet se ka bashkëpunuar me Bujar Germizin dhe Besmir Muratin për planin e vrasjes së dy vëllezërve që jetonin në Britani të Madhe.

Ndërkohë gjashtë persona janë shpallur në kërkim: Eralbi Breçani, djali i Erzen Breçanit, biznesmeni Ervin Mata, vëllai i gruas së Eralbi Breçanit; Albert Prenga; Ismail Zeneli; Bajram Grabova e Artan Sulejmani. Gjykata ka vendosir masë sigurie "detyrim me paraqitje" për Jonida Babameton me detyrë oficere e Drejtorisë së Kufirit dhe Emigracionit./CNA

 





Lajmet e fundit nga