web counter
LEXO PA REKLAMA!

SHKARKO APP

App Store
Google Play

Shpallen në kërkim ndërkombëtar administratorët e inceneratorit të Tiranës

11 Gusht 2024, 16:40, Aktualitet CNA
Shpallen në kërkim ndërkombëtar administratorët e
Landifilli i Tiranes

Inceneratorët janë vjedhja e shekullit, një megaaferë që ka gllabëruar qindra miliona euro nga xhepat e shqiptarëve të varfër, nga Elbasani, në Fier dhe përfundon në Tiranë.

Inceneratori i Fierit nuk ka përfunduar, ai i Elbasanit është një kazan me naftë që i duhen miliona euro për të funksionuar dhe ai i Tiranës nuk ekziston, është një incinerator fantazëm.

Për këtë inceneratorin fantazmë të Tiranës vijojnë hetimet dhe kanë shkuar pas hekurave zyrtarë të lartë dhe janë dhënë urdhër-arreste për dhjetëra persona të tjerë dhe truri i incenerartorëve, siç e quan SPAK, Mirel Mërtiri dhe bashkëpunëtori i tij Klodian Zoto janë shpallur në kërkim ndërkombëtar.

Por së fundi CNA ka mësuar se përveç Mirel Mërtirit dhe Klodian Zotos në kërkim ndërkombëtar janë shpallur dhe administratorët e inceneratorit të Tiranës, njerëzit që kanë mbuluar kompaninë guackë në Holandë.

Mësohet se janë shpallur në kërkim ndërkombëtar, Michael Peter Druijts dhe Marc Richard Lappat. Këta shtetas janë pjesë e grupit të tretë të personave të shpallur në kërkim disa javë më parë, në 16 Korrik, ku SPAK dha detaje nga hetimet dhe urdhër arrestet që ishin lëshuar për 8 persona.

“Gjykata e Posaçme e Shkallës së Parë për Korrupsionin dhe Krimin e Organizuar me vendimin nr. 69, datë 12.07.2024, ka caktuar masën e sigurimit “arrest në burg” ndaj tetë shtetasve me inicialet D.Y., G. C., D. T., M. L., M. D., I. D., E. H. dhe R. N”, ,njofton SPAK.

CNA ka mundur të sigurojë nga burime zyrtare se nga data 16 Korrik, kur SPAK doli me njoftimin zyrtar në lidhje me urdhër-arrestet për inceneratorin e Tiranës, ku janë përfshirë dhe Michael Peter Druijts dhe Marc Richard Lappat së fundi pas vendimeve të gjykatës dhe kërkesës së SPAK Interopoli i ka shpallur në kërkim ndërkombëtar këta dy të fundit.

Tashmë në kërkim ndërkombëtar nuk janë vetëm Mirel Mërtiri dhe Klodian Zoto dhe dhjetëra bashkëpunëtorë të tyre apo zyrtarë që ndodhen pas hekurave por dhe administratorët kryesorë njerëzit që mbulonin të gjithë veprimet për incenerartorin e Tiranës janë në kërkim ndërkombëtar dhe kërkohen nga drejtësia shqiptare dhe nga SPAK për aferën korruptive të inceneratorëve dhe grup të strukturuar kriminal.

Shpallen në kërkim ndërkombëtar administratorët e
Klodian Zoto dhe Mirel Mertiri

SPAK-u i ka quajtur grup të strukturuar kriminal njerëzit e inceneratorit të Tiranës.

Sipas SPAK-ut, kanë rezultuar fakte penale të tjera të evidentuara gjatë periudhës së zbatimit të kontratës koncesionare, për të cilat është bërë regjistrimi i njoftimit të veprave penale në regjistrin penal, “Pastrimi i produkteve të veprës penale ose veprimtarisë kriminale”, kryer në bashkëpunimin e veçantë në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.

Prokuroria e Posaçme bën me dije se janë pastruar si produkte të veprës penale në vlerën prej afërsisht 20.000.000 (njëzetë milionë) euro, të ndara konkretisht në shumat prej: 1.214.867.060 (një miliard e dyqind e katërmbëdhjetë milionë, e tetëqind e gjashtëdhjetë e shtatë mijë e gjashtëdhjetë) lekë, 9.456.093 (nëntë milionë e katërqind e pesëdhjetë e gjashtë mijë e nëntëdhjetë e tre) euro.

Personat pjesëmarrës të këtij grupi të strukturuar kriminal kanë përfituar vlera monetare të mësipërme, si produkte të veprës penale, duke marrë vlerat monetare nga llogaria bankare e shoqërisë koncesionare “Integrated Energy B.V. SPV” sh.p.k., në sajë të mashtrimit nëpërmjet krijimit të faturave fiktive, në sajë të shoqërive fiktive të krijuara brenda dhe jashtë vendit, si dhe nëpërmjet tërheqjes së vlerave monetare në cash.

Hetimet vijojnë për të persona të tjerë të përfshirë në këtë aferë korruptive./ CNA

 





Lajmet e fundit nga