E fundit!

19:34 Aktualitet

Dita e 26 e protestës/ Qytetarët marshojnë drejt Kryeministrisë

Protestuesit dhe në ditën e 26 të protestët kundër qeveris...

Afera “5D”/ Drejtorët hajdutë të Veliajt morën qindra mijëra euro

10 Gusht 2024, 17:46, Aktualitet CNA

Afera “5D”/ Drejtorët hajdutë të Veliajt morën

Mariglen Qato dhe Redi Molla

Dy drejtorët e bashkisë së Tiranës, Mariglen Qato dhe Redi Molla, sipas SPAK, janë pronarët faktik të kompanisë "5D Konstruksion".

Por në dosje thuhet se ata përfituan në dorë përmes lëvizjes me kontrata fiktive të paktën 89 milionë lekë të reja. Kësaj shume i shtohet dhe shpërndarja e fitimit prej subjektit, që po ashtu janë dhënë në mënyrë të paligjshme.

Bëhet fjalë për rreth 31 milionë lekë që aksioneri me letra Nestor Muhametllari ia ka dorëzuar. Madje në shënime shihen edhe lëvizje të shumave të mëdha të parave.

Gjithçka është zbuluar në bllokun që BKH i ka gjetur në banesë Muhametllarit, ku Redi Molla shënohej me gërmën R dhe Mariglen Qato me M., e në çdo rast përkrah tyre vendosej shuma përkatëse që u ishte dhënë nga dividenti.

Në një tjeter bllok shënimësh të gjetur në zyrat e 5D është pasqyruar fakti se Redi Molla ka marrë shumën prej 11,000.000 lekë nga fitimi i realizuar në vitin 2018. Ndërsa Mariglen Qato sipas bllokut ka marrë shumën prej 4,000,000 lekë.

Në përmbajtjen e këtij blloku konstatohet si Redi Mollës i është kthyer shuma prej 32,500,000 lekë shumë kjo e zbritur nga shuma totale 134.810.00 lekë.

SPAK thotë se shuma e kthyer Redi Mollës është e përafërt me shumën 31,505,177 që rezulton që është shuma neto e dividentit të shpërndarë nga shoqëria “5D” me vendim të asamblesë së shoqërisë të vitit 2020, ku në atë periudhë ortak i vetëm i shoqërisë ishte Muhamet Petriti.

Nisur nga përmbajtja e shënimeve konstatohet se shuma prej 7,782,027 me përshkrimin kthyer dividend është e njëjtë me shumën e ndarë nga shoqëria në vitin 2019 në kohën ku ortak i kësaj shoqërie ka qenë Muhamet Petriti.

Sipas shënimeve kjo shumë është zbritur nga shuma totale prej 102,310,000 lekë dhe llogaria për Redi Mollën është zbritur në shumën 94,527,973 lekë. Ç’ka do të thote se së shumë është kthyer përsëri te ish-drejtori i Bashkisë Tiranë Redi Molla.

SPAK thotë se dy drejtorët i kanë dhënë tendera kompanisë “5D”, edhe pse ishin pronarë të fshehtë, duke përfituar në mënyrë të paligjshme.