web counter
LEXO PA REKLAMA!

SHKARKO APP

App Store
Google Play

E fundit!

x

Rrahja brutale e blogeres/ Blendi Fevziu: Këmbanë alarmi, po degradon shoqëria

9 Gusht 2024, 21:57, Aktualitet CNA
Rrahja brutale e blogeres/ Blendi Fevziu: Këmbanë alarmi, po degradon
Gazetari Blendi Fevziu

Gazetari Blendi Fevziu ka reaguar për rastin e dhunës brutale nga motrat Antonela dhe Mariela Berisha ndaj blogeres Klea Prenga.

Fevziu thekson në reagimin e tij se kjo është një këmbanë alarmi për shoqërinë shqiptare që tregon se sa ka degarduar.

Gazetari përcjell mesazhin e rëndësishëm duke nënvizuar se “nëse doni që shoqëria shqiptare të ecë përpara shmangni dhunën, dënoni dhunën, dhuna është kriminale nuk i tolerohet askujt për asnjë motiv”.

“Një video e bërë virale në rrjete sociale tregon një vajzë të masakruar në fytyrë. Nëse i referohesh mediave online të cilat e kanë shpërndarë rastin dhe e kanë investiguar atë bëhet fjalë për masakrimin e një vajze nga dy vajza të tjera për arsye xhelozie.

Nuk njoh asnjë nga personazhet e përfshirë në këtë konflikt dhe nuk riptodhoj dot emrat e tyre nu ki hyj dhe nuk do të dojë ti hyja asnjëherë motiveve që kanë çuar në këtë ngjarje.

Ajo doja të vijëzoja është se kjo ngjarje është këmbanë alarmi për të gjithë shoqërinë shqiptare. Është një këmbanë alarmi e cila tregon se sa ka rënë se sa ka degraduar shoqëria shqiptare ku problemet dhe mosmarrëveshjet zgjidhen vetëm përmes dhunës.

Ne kemi patur raste që shoqëria mashkullore shqiptare i ka zgjidhur mosmarrëveshjet, sherret, konfliktet përmes përdorimit të dhunës dhe eleminimeve mes tyre. Ka qenë një nga elementët më primitivë të shoqërisë shqiptare por përfshirja e e vajzave dhe grave me element të dhunës dhe me zgjidhjen e vetme të mosmarrëveshjeve përmes dhunës tregon që kjo shoqëri ka një degradim të rëndë, ka një degradim të cilin ne nuk duhet ta lejojmë.

Zgjidhja përmes dhunës është një karakteristikë e shoqërive të paemancipuara, primitive shoqërive të cilat nuk meritojnë që të quhen shoqëri civile dhe nuk meritojnë akoma më shumë të quhen shoqëri europiane.

Ndoshta është faji ynë dhe i gjithëve ne që promovojmë personazhe dhe figrua të tilla që i sjellim ato në qendër të vëmendjes por insistoj dhe një herë nëse doni që shoqëria shqiptare të ecë përpara shmangni dhunën, dënoni dhunën, dhuna është kriminale nuk i tolerohet askujt për asnjë motiv”, është shprehur Blendi Fevziu./ CNA





Lajmet e fundit nga