5 net të zjarrta në Korçë/ Këngëtarët e mëdhenj që do të performojnë në Festën e Birrës

10 Gusht 2024, 15:34, Aktualitet CNA

5 net të zjarrta në Korçë/ Këngëtarët e

Për 5 net me radhë, në datat 14-18 gusht, Bashkia e Korçës do të organizojë Festën e Birrës, e cila shënon kulmin e sezonit turistik për qytetin.

Ashtu si edhe vitet e tjera, Festës së Birrës do t'i bashkohen emra të njohur të muzikës shqiptare, por jo vetëm.

Në 3 net do të performojnë 3 artistë të njohur grekë.

Le të njihemi me radhë me secilin prej artistëve që do të performojnë në Festën e Birrës.

4 artistët që do të hapin siparin e Festës së Birrës/ Nga vëllezërit Prifti tek këngëtarja e njohur greke
7 Gusht, 20:26

Në natën e parë, më 14 gusht do të performojnë artistët e dashur nga të gjithë shqiptarët, vëllezërit korçarë Endri dhe Stefi Prifti.

Në hapjen e siparit, qytetarët do të shijojnë tingujt e muzikës së Xheisara Friskut dhe këngëtares greke, Kelly Kelekidou.

Në natën e dytë të Festës së Birrës, më 15 gusht, atmosfera do të ndizet nga Rezarta Smaja dhe Devis Xherahu. Gjithashtu, një atmosferë fantastike pritet të krijohet edhe nga këngëtari grek, Kostantinos Koufos.

5 net të zjarrta në Korçë/ Këngëtarët e

Në natën e tretë, më 16 gusht, qytetarë të shumtë do të shijojnë muzikën e dy artistëve shumë të dashur, Fifi dhe Luiz Ejlli.

Gjithashtu, do të performojnë Xhesika Polo dhe Niko DJ.

Në natën e katërt, më 17 gusht, në Korçë do të shkojë Alba Skënderaj, grupi Offchestra. Gjithashtu, do të rikthehet këngëtarja greke Eleftheria Eleftheriou.

Në natën e pestë, më 18 gusht, pushuesit do të shijojnë ushqimin e shijshëm nën tingujt e muzikës së Gerta Mahmutajt, si dhe të dy grupeve NRG Band dhe Three Dots.

Të gjitha grupet dhe këngëtarët do të performojnë "live" në të 5-ta netët e festës, në Terminalin e Autobusëve, me mijëra vizitorë, jo vetëm nga Shqipëria, por edhe jashtë kufijve./ CNA