web counter
LEXO PA REKLAMA!

SHKARKO APP

App Store
Google Play

E fundit!

x

Raporti i SHISH/ Trafikantët shqiptarë të drogës janë “rritur” kanë kontakte të drejtpërdrejta me prodhuesit

25 Qershor 2022, 17:45, Aktualitet CNA
Raporti i SHISH/ Trafikantët shqiptarë të drogës janë
Foto ilustruese

Trafiku i drogës po shënon gjithnjë e më shumë fushë veprimi në vendin tonë. Por për grupet shqiptare që merren me këtë trafik, duket se nuk kanë mbetur vetëm pjesë e dorës së dytë, por janë bërë krerë të organizatave duke fuqizuar pozitat e tyre e duke u rritur.

Në raportin e SHISH për vitin 2021, thuhet se “anëtarët e grupeve shqiptare të trafikut të drogës kanë krijuar kontakte të drejtpërdrejta edhe me prodhuesit direkt të drogave, duke fituar “besimin reciprok”.

Sipas raportit të SHISH, “kundërvënia ndaj aktivitetit të grupeve kriminale në përgjithësi, dhe atyre të përfshira në trafikun e lëndëve narkotike në veçanti, është rritur ndjeshëm si brenda dhe jashtë vendit. Megjithatë, pavarësisht rezultateve domethënëse, kundërvënia ndaj trafikimit të lëndëve narkotike mbetet sfidë e rëndësishme, për shkak të evoluimit të mënyrave të operimit të tyre pas goditjeve”.

Për SHISH, faktorë nxitës dhe tërheqës të aktivitetit kriminal në vend dhe rajon mbeten: anëtarët e tyre të pozicionuar tashmë në vendet e origjinës ku prodhohen lëndët narkotike; lidhjet me rrjete kriminale ndërkombëtare dhe rajonale; realizimi i kërkesave paraprake apo marrëveshjeve të shtyra në kohë për shkak të kufizimeve nga pandemia; mbulimi i kostove të shkaktuara nga sekuestrimet dhe arrestimet.

Gjithashtu në raport thuhet se kultivimi i bimëve narkotike i llojit kanabis sativa ka vijuar me zhvendosje të zonave dhe evoluim të mënyrave të ndërthurura në ambiente të hapura dhe të mbyllura. /CNA.al





Lajmet e fundit nga