Protesta e pedagogëve për pagat/ Fuga zbulon pikën ku do të degradonte kjo lëvizje

16 Shtator 2022, 17:59, Aktualitet CNA

Protesta e pedagogëve për pagat/ Fuga zbulon pikën ku do të

Akademiku, Artan Fuga

Akademiku, Artan Fuga ka komentuar protestën e pedagogëve të universiteteve, të cilët protestuan një ditë më parë për rritjen e rrogave.

I ftuar në rubrikën Opinion, Fuga u shpreh se embështet këtë protestë dhe ka treguar krahas vështirësitë që ka ky profesion.

Fuga u shpreh se profesioni i pedagogëve, është një profesion i cili rrogën duhet ta përdorë krahas mbajtjes së familjes, edhe për zhvillimin e tij profesional.

“Nuk kam pasur mundësi të marrë pjesë në protestë, kam qenë në shërbim. Dihet që rrogat në Shqipëri, jo vetëm të pedagogëve, por të gjitha pagat e shërbimeve janë më të ulëtat e rajonit, por në rastin e pedagogëve edhe të studentëve, funksion në kushtet e një varfërie relative. Dua të them se është një profesion i cili me pagën që merr, është i detyruar jo vetëm ta konsumojë për ripërtëritjen e tij fizike, morale dhe të familjes, por një pedagogu më ketë pagë i duhet të mbulojë dhe disa shpenzime profesionale, të cilat ndodhet në një dilemë, ose t’i bëjë që të jetë në nivelin e detyrës që i kërkohet, ose të mos i bëjë.

I duhen libra, vepra shkencore, që janë të huaja, duhet t’i porosisë, kushtojnë shtrenjtë, duhet të ketë lidhje interneti, duhet të jetë i abonuar ne revista.

Problemi është që të gjitha këto shpenzimet duhet t’i plotësojë nga paga e tij. Ose duhet të varfërohet shkencërisht dhe profesionalisht, ose duhet të varfërohet në ekonominë e familjes”, shprehet ai.

Sipas Fugës që të gjallërohet financiarisht bota universitare shqiptare, ka nevojë për reformë në universiteteve dhe duhen parë të gjitha elementet dhe jo vetëm paga.

“Në mënyrë që të gjallërohet financiarisht bota universitare shqiptare ka nevojë për reformë e universiteteve dhe duhen parë të gjitha elementet, pagat, autonomia financiare e pedagogëve, shërbimet për studentët etj.. Paga në vetvete nuk është thjeshtë një element për t’u ushqyer, por mekanizëm financiar për ta vënë institucionin në pozita të reja”, tha akademiku.

Fuga shprehet se, është në krah të kësaj proteste nëse diskutohet në këtë nivel, por nëse diskutohet vetëm për të rritur një % të rrogës, atehërë ai thotë se kjo degradon.

“Nëse diskutohet kështu unë jam gati të jem shumë aktiv në këtë, nëse është fjala për një kërkesë jo kjo sasi po 5% më shumë, atëherë kjo degradon dhe mendoj se ne si universitar duhet ta paraqesim veten në nivelin më të lartë”, tha Fuga./ CNA.al