web counter
LEXO PA REKLAMA!

SHKARKO APP

App Store
Google Play

E fundit!

x

CNA.al e ka raportuar/ Gazetari: Vajza e Kryemadhit dhe Metës, 60 mijë dollarë në vit për shkollën në Londër

16 Shtator 2022, 17:17, Aktualitet CNA
CNA.al e ka raportuar/ Gazetari: Vajza e Kryemadhit dhe Metës, 60 mijë
Fotomontazh - Monika Kryemadhi dhe Ilir Meta

Prej vitesh CNA.al ka raportuar për shkollimin e fëmijëve të ish-presidentit Ilir Meta dhe bashkëshortes së tij, Monika Kryemadhi, në universitetet e Londrës.

Për paratë e shpezuara nga Meta dhe Kryemadhi, ka publikuar sot disa dokumenta gazetari Flamur Vezaj, i cili ka marrë shkas nga një video e deputetes së PL-së që tregonte se vajza e saj, Bora ishte diplomuar.

Gazetari thotë se për një vit në universitetin ku ka studiuar vajza e Kryemadhit dhe Metës duhet të paguash minimumi 31.380 dollarë, ndërsa për të banuar atje, përveç taksës së studimit të duhen edhe 11 mijë dollarë.

Nga ana tjetër, që të jetosh në Londër si student duhet minimumi të kesh në llogari bankare 1.435 dollarë në muaj ose 17.200 dollarë në vit.

Duke bërë një përllogaritje në total, Vezaj thotë se vajzës së ish-presidentit dhe deputes i duhen 60 mijë dollarë në vit.

Ai kërkon të dijë se ku i ka gjetur kaq para Meta dhe Kryemadhi për një fëmijë, ndërkohë që nuk ka llogaritur shpezimet për shkollimin edhe të dy fëmijëve të tjerë.

CNA.al e ka raportuar/ Gazetari: Vajza e Kryemadhit dhe Metës, 60 mijë

Postimi i gazetarit Flamur Vezaj:

Po paratë për shkollën në Londër, nga erdhën???

Pak ditë më parë Monika Kryemadhi publikoi një video të diplomimit të vajzës! Ishte treguar pak e kujdesshme për të mos identifikuar shumë vendin ku vajza u diplomua! Por duke mos arritur të mbulojë të gjithë emrin e Universitetit në Londër! E vetmja shenjë që dallohej nga videoja ishte UCL school!

Nga një kërkim i vogël online dhe duke pyetur njerëz në Tiranë, mësojmë se vajza e Ilir Metës dhe Monika Kryemadhit u paska diplomuar në Londër! Në Shkollën e Menaxhimit të Biznesit në Kolegjin Universitar të Londrës! Me pak fjalë shkollë biznesi! Nga një studim i bërë në Londer, rezulton se ky Universitet është ndër 3 universitetet më të mira në Angli!!! Tre më të mirët në Angli!!!

Po nga ky studim rezulton që për të vazhduar këtë universitet minimumi që duhet të paguash në vit është 31.380 dollarë amerikanë! Kjo shumë rritet në varësi të degës! Por minimumi është 31.380 dollarë!

E për të jetuar në Londër, në kampus universitar apo jashtë në shtëpi private, një student duhet të paguajë minimumi 11.400$ në vit! Ndërsa për ushqim dhe gjëra tjera të nevojshme që të jetosh në Londër si student duhet minimumi të kesh në llogari bankare 1.435 dollarë në muaj ose 17.200 dollarë në vit! Minimumi! Këtu duke mos përfshirë blerjet e rrobave (firmato apo luksin se është vajza e Presidentit) apo pajisjet elektronike (kompjuter, IPad apo telefon)!

Pra, në total në një vit, minimumi që të studiosh e të jetosh në Londër duhen 60.000 dollarë në vit! Minimumi, pasi degë të ndryshme tek Kolegji UCL kanë tarifa më të larta apo edhe qëndrimi në zona të mira të Londrës kanë çmim më të lartë të qirave! Pra ish-presidenti Meta për dy vite rrogë në Presidencë i siguronte një vit studim vajzës, duke mos përdorur rrogën për asnjë pagesë tjetër, vetëm shkollën e njerës vajzë! E nëse ka studiuar tre vite i janë dashur mbi 180.000 dollarë minimumi!

CNA.al e ka raportuar/ Gazetari: Vajza e Kryemadhit dhe Metës, 60 mijë

Po fëmijëve tjerë, me çfarë të ardhurash ia paguan shkollën kryetari i partisë së “pengmarrjes” apo bashkshortja e tij??!? Ja pra SPAK-ut i doli edhe një pistë tjetër hetimi (po të duan), pasi po këta prokurorë tashmë e kanë praktikën e hetimit të Adriatik Llallës në këtë drejtim!?

Pse Llalla u hetua e Meta e të tjerët jo?! Pasi shumë politikanë i shkolloj e fëmijët jashtë në Universitete të shtrenjta!!! Mirë bëjnë në fakt, po paratë ku i gjejnë se me rrogat që marrin nuk i përballojnë këto fatura!?!? Jo për gjë, po ngelën duke bërë sikur i plasi zemra për korrupsionin e qeverisë (që janë realisht me shumicë), me të cilët hanin bashkë me një kazan deri dje! Aman se mos thonë edhe këta si Rama që punimet për ndërtimin e vilës në Surrel ia bënë dhuratë disa ndërtues!/ B.A. - CNA.al

CNA.al e ka raportuar/ Gazetari: Vajza e Kryemadhit dhe Metës, 60 mijë





Lajmet e fundit nga