web counter
LEXO PA REKLAMA!

SHKARKO APP

App Store
Google Play

E fundit!

x

Progres raporti i KE-së/ Porositë e Suard: Të gjithë klasat politike të kontribuojnë

10 Nëntor 2025, 20:01, Aktualitet CNA
Progres raporti i KE-së/ Porositë e Suard: Të gjithë klasat
Catherine Suard

Ambasadorja e Francës në vendin tonë, Catherine Suard gjatë një prononcimi për mediat nga Korça është shprehur se raporti i fundit të Komisionit Europian për progresin e Shqipërisë drejt standardeve të BE-së ishte shumë pozitiv.

Ajo tha se ishte një raport që tregon progresin që është bërë deri tani nga Shqipëria ndërsa shtoi se kjo qasje duhet të vijojë edhe në të ardhmen duke inkurajuar reformat. Ambasadorja u shpreh se Shqipëria është në gjendje të arrijë objektivat e saj por për këtë sipas saj duhet të kontribuojnë të gjithë klasat politike edhe parlamenti.

"Raporti që u publikua së fundmi ishte shumë pozitiv, ku u nënvizua dhe nga autoritetet e tjera dhe komisioneria e NATO-s, edhe nga përfaqësues të tjerë të BE, përfaqësues të politikës së jashtme, kryeministri, ambasadori i BE në Shqipëri. Po, është një raport pozitiv që tregon progresin dhe merr parasysh gjithë progresin e paprecedentë që është bërë deri tani në raport me Shqipërinë. Ajo që është e qartë është gjithashtu se kjo qasje duhet të vazhdojë deri në të ardhmen duke inkurajuar reformat e duke vazhduar në këtë rrugë. Është akoma e nevojshme që të shkojmë edhe më larg se sa kemi ecur deri tani. Përtej teksteve ligjore është çështja e zbatimit të këtyre reformave dhe ligjeve. Kontrolli dhe mënyra se si do të aplikohet kjo normë dhe këto ligje tek qytetarët dhe aktorët e ndryshëm, përfshirë dhe ata ekonomikë, ka ende shumë për tu bërë. Jam shumë besimplotë me faktin që Shqipëria është në gjendje të arrijë objektivat e saj dhe ne jemi në dispozicionin e saj për ta ndihmuar por është një punë shumë e vështirë. Duhet që të gjithë të kontribuojnë, klasat politike dhe gjithë parlamenti", tha ambasadorja. /CNA





Lajmet e fundit nga