web counter
LEXO PA REKLAMA!

SHKARKO APP

App Store
Google Play

E fundit!

x

Procesi i Berlinit/ Ministri Hasani: Fokusi, tek ekonomia e rajonit

6 Tetor 2023, 13:44, Aktualitet CNA
Procesi i Berlinit/ Ministri Hasani: Fokusi, tek ekonomia e rajonit
Foto ilustruese

Ministri i Jashtëm, Igli Hasani, në fjalën e tij në konferencën me ministrat e jashtëm të BE-së, është shprehur se situata gjeopolitike ka prodhuar shumë sfida që kërkojnë vëmendje dhe adresim. Por krahas kësaj, sipas ministrit këto sfida kanë forcuar angazhimin e BE-së në rajon.

“Ky ishte ministeriali i fundit në serinë e tri ministerialeve që i paraprijnë Samitit në Tiranë. Mirënjohje të gjithë kolegëve për pjesëmarrjen dhe kontributin e tyre. Këto takime, ngjarje të rëndësishme zhvillohen për herë të parë në një vend të rajonit tonë. Ato zhvillohen në një moment veçanërisht të rëndësishëm për BP dhe Evropën. Situata aktuale gjeopolitike ka prodhuar shumë sfida që kërkojnë vëmendje e adresim.

Kërkojnë po ashtu angazhim të fortë, jo vetëm të rajonit, por edhe të BE. Krahas sfidave, kjo situatë ka prodhuar edhe një vullnet të ri politik. Ka përforcuar angazhimin e BE-së me rajonin tonë. Ky vullnet shprehet edhe në këto takime, sigurisht edhe Samiti pas pak ditësh. Samiti dhe tri Ministerialet, mundësi për të diskutuar se çfarë forme mund të marrë ky angazhim.

Çfarë forme mund të marrë mbështetja e BE për rajonin në kushtet aktuale”, tha ministri.

Më tej ai theksoi se Procesi i Berlinit që do të mbahet në 16 tetor do të fokusohet kryesisht në shtyllën e tretë, atë të përmirësimit të performancës ekonomike të rajonit.

Ministri zbulon se në tryezë janë disa propozime që do të përmirësojnë ndjeshëm zhvillimin ekonomik të rajonit.

Propozimet janë plotësisht në linjë me Planin e Rritjes të propozuar nga Von der Leyen.

Sipas ministrit, energjia dhe transporti, dy sektorë kyç në axhendën e këtij viti të Procesit të Berlinit.

“Procesi i Berlinit mbështetet në 3 shtylla.

1. Perspektiva evropiane, 2. Zgjidhja e mosmarrëveshjeve, 3. Përmirësimi i performancës ekonomike të rajonit

Samiti i këtij viti do të fokusohet kryesisht në shtyllën e tretë.

Në tryezë janë disa propozime që do të përmirësojnë ndjeshëm zhvillimin ekonomik të rajonit.

Propozimet janë plotësisht në linjë me Planin e Rritjes të propozuar nga Von der Leyen.

Duhet investuar për ngushtimin e hendekut në zhvillimin ekonomik që ekziston mes BP dhe BE.

Kjo ndihmon në përgatitjen e ekonomive tona për integrim në tregun e përbashkët të BE.

Energjia dhe transporti, dy sektorë kyç në axhendën e këtij viti të Procesit të Berlinit.

Përtej këtyre dy fushave, kemi punuar për nisma konkrete edhe në sektorë të tjerë.

Këto nisma na ndihmojnë të integrohemi në disa politika të tregut të përbashkët të BE.

Qëllimi është që rigjallërimi i procesit të integrimit të konkretizohet me masa që janë të prekshme nga qytetarët.

Masa që përgatisin ekonomikisht vendet tona për anëtarësim në BE”, u shpreh ministri./ CNA





Lajmet e fundit nga