web counter
LEXO PA REKLAMA!

SHKARKO APP

App Store
Google Play

E fundit!

x

I mituri humbi jetën pas ndërhyrjes në klinikën private, reagon Prokuroria e Tiranës

6 Tetor 2023, 10:34, Aktualitet CNA
I mituri humbi jetën pas ndërhyrjes në klinikën private,
Prokuroria e Tiranës

Prokuroria e Tiranës njofton se ka nisur hetimet ndaj mjekut Roland Xhaxho dhe stafit të klinikës që ai drejton për ‘Neglizhencë në trajtimin mjekësor’. 

Ky hetim ka nisur për vdekjen e djalit 3-vjeçar, i cili humbi jetën pas një ndërhyrje dentare në klinikën “Splendent”.

Kujtojmë se ngjarja ka ndodhur pak ditë më parë dhe rasti është denoncuar nga familjarët e 3-vjeçarit të cilët kanë kërkuar drejtësi.

Sipas tyre është dhënë një dozë e lartë anestezie fëmijës dhe 3-vjeçari ka dalë në gjendje shumë të rëndë nga spitali.

Nga ana tjetër mjeku Roland Xhaxho shprehet se gjendja e fëmijës është përkeqësuar në shtëpi pasi nga spitali ka dalë në gjendje të mirë.

Njoftimi i Prokurorisë Tiranë: 

Duke marrë parasysh ndjeshmërinë e madhe të opinionit publik për ngjarjen ku i mituri me inicialet B.S., humbi jetën pas trajtimit në një klinikë private, si dhe interesin e shtuar të medias në lidhje me këtë çështje, Prokuroria Tiranë dëshiron të informojë se:

Prokuroria pranë Gjykatës së Shkallës së Parë të Juridiskionit të Përgjithshëm Tiranë, mbi bazën e materialit të referuar nga Komisariati i Policisë Nr.4 më shkresën Nr.7057/k Prot të datës 04.10.2023, ka regjistruar më datë 05.10.2023 procedimin penal nr.6477 të vitit 2023, për veprën penale “Neglizhenca në trajtimin mjekësor”, parashikuar nga neni 96 i Kodi Penal. Nga ana e prokurorisë, po vijon kryerja e veprimeve të tjera procedurale në lidhje me procedimin penal, me qëllim evidentimin e të gjitha rrethanave dhe shkaqeve të vdekjes së shtetasit./CNA

 

 





Lajmet e fundit nga