web counter
LEXO PA REKLAMA!

SHKARKO APP

App Store
Google Play

Vendimi për Zoton, Mërtirin e Gugallian/ Mentor Kikia: Çfarë drejtesie është kjo?

5 Tetor 2023, 18:21, Aktualitet CNA
Vendimi për Zoton, Mërtirin e Gugallian/ Mentor Kikia:
Gazetari Mentor Kikia

Gazetari Mentor Kikia ka reaguar pas dhënies së dënimeve nga Gjykata e Posaçme për Korrupsionin dhe Krimin e Organizuar për personat e përfshirë në aferën e inceneratorit të Elbasanit.

Kikia tha se të tre kanë përfituar nga  gjykimi i shkurtuar dhe pse

Këta janë arratisur e jetojnë si pasha me paratë e vjedhura.

Ai ngre pyetjen se ku janë paratë e vjedhura por mesa duket as kësaj nuk mund t’i jepet përgjigje.

Sipas Kikisë kjo mënyrë gjykimi apo drejtësi e vendosur është arsye se pse  ikin shqiptaret nga vendi i tyre.

Postimi i plotë: 

Po paratë? Apo ç’i duam….

Gjykata vendosi të dënojë Klodian Zoton dhe Mirel Mërtirin me nga 6 vite e 8 muaj burg, ndërsa Stela Gugallian me 4 vite e 8 muaj, për inceneratorin e Elbasanit.

Të tre kanë perfituar nga gjykimi i shkurtuar.

Gjykimi i shkurtuar është një procedurë penale, kur i pandehuri pranon provat e prokurorisë e nuk i konteston ato.

Por si mundet gjykatësi të pranojë gjykim të shkurtuar, kur këta janë arratisur e jetojnë si pashallare me paratë e vjedhura, e nuk u plas as për provat as për dëshimtarët?

Meqe ra fjala, po paratë? Ku janë parate?

Epo të befsha mu në drejtësi që dënon tre njerez të arratisur me gjykim të shkurtuar e nuk ndjek parane ku shkoi. E çfare drejtësie është kjo?

Ja pse ikin shqiptaret nga vendi i tyre!/ CNA





Lajmet e fundit nga