E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Fëmija 3-vjeçar humb jetën në klinikë/ Flet gjyshi: Qëndroi 9 orë në operacion, duam drejtësi

5 Tetor 2023, 13:49, Aktualitet CNA

Fëmija 3-vjeçar humb jetën në klinikë/ Flet gjyshi:

Gjyshi i fëmijës 3-vjeçar që humbi jetën në një klinikë dentare, ka folur për mediat duke treguar detajet e ngjarjes. Ai ka bërë me dije se e kanë dërguar fëmijën për të pastruar dhëmbët dhe nga mjekët i është sugjeruar se duhej bërë edhe një ndërhyrje.

Fëmijës 3 vjeç i kanë bërë anestezi totale dhe e kanë futur në operacion ku ka qëndruar 9 orë sipas gjyshit të fëmijës.

Mjekët u kanë thënë familjarëve se gjithçka ka shkuar mirë, por fëmijën e kanë marrë në gjendje kome pasi u është thënë që do të zgjohet pas gjysmë ore.

Më pas fëmija ka shfaqur komplikacione si temperaturë dhe familjarët e kanë dërguar në pediatri ku është futur direkt në intubim dhe pas tri ditësh ka humbur jetën.

Ndër të tjera gjyshi i fëmijës 3-vjeçar shton se nuk ka pasur asnjë reagim nga Ministria e Shëndetësisë dhe familja kërkon drejtësi, ose ndryshe do të marrë vetë hakun e djalit.

Ai thekson se ka pasur disa raste të tilla në këtë klinikë, por është mbuluar ngjarja.

“E çuam për të pastruar dhëmbët. Bëmë konsultë me mjekun dhe vajzën e tij, ku na sugjeruan operacionin dhe ne pranuam. Djalit i bënë anestezi totale dhe e futën në operacion, ku qëndroi 9 orë.

Mjeku na tha se gjithçka shkoi mirë. Na e dha në gjendje gjumi dhe na tha se do zgjohet pas gjysmë ore. Shkuam në shtëpi dhe pas 1 orë fëmijës i hipi temperatura dhe u zverdh.

Mjeku nuk hapi telefonin më. E çuam te Pediatria ku direkt e futen në intubim dhe i çanë mëlçinë sepse i kishte dalë jashtë funksionit.

Pas 3 ditësh vdiq. Shteti të marrë në dorë situatën. Të vendosë drejtësi sepse në të kundërt do ta marrim ne hakun e djalit”, shprehet gjyshi i 3-vjeçarit.

Ka pasur dhe raste të tjera. I nxirrnin në raste kome. Kemi bërë kallëzim, asnjë reagim nuk kemi marrë nga Ministria e Shëndetësisë. Ai po punon në spital dhe po operon njerëz nga zemra”, ka thënë gjyshi i fëmijës 3-vjeçar./ CNA