web counter
LEXO PA REKLAMA!

SHKARKO APP

App Store
Google Play

E fundit!

x

Kur media bën detyrën dhe biznesi sillet si harbut

5 Tetor 2023, 12:07, Aktualitet CNA
Kur media bën detyrën dhe biznesi sillet si harbut
Foto ilustruese

Në redaksinë e CNA, tri ditë më parë erdhi një denoncim në lidhje me një rast që ishte mjaft flagrant. Një fëmijë tre vjeç kishte humbur jetën pas një ndërhyrjeje në dhëmballë. Pretendohej se pas anestezisë, një fëmijë tre vjeç, i cili kishte shkuar te një klinikë private dentare, kishte humbur jetën.

CNA menjëherë pas mori informacionin iu drejtua klinikës përkatëse për të kryer investigimin dhe për të konfirmuar burimin e informacionit.

Gjithashtu CNA vazhdoi, i shkoi edhe më tej me familjarët, për të marrë dhe për të zbardhur të plotë skemën se çfarë kishte ndodhur, për të përballur burimin me faktet konkrete për një ngjarje mjaft të rëndë.

Telefonuam klinikën që pretendonte denoncimi, shfaqet sekretarja e cila e mohon që një fëmijë tre vjeç të ketë qenë te kjo klinikë dhe të kishte bërë një ndërhyrje të tillë. Deri këtu gjithçka normale. Filluam po hetonim dhe po kërkonim klinikën ku kishte ndodhur për të marrë të plotë informacionin.

Por pasi gjithçka mbyllet korrekt dhe sekretarja mohoi gjithçka, në telefonin e redaksisë shfaqet drejtoresha e klinikës, e cila turpësisht kishte gjuhën e një rrugaçi, që kërcënon dhe shantazhon mediat.

Edhe pse biznesi dhe ajo si drejtuese duhet të ishte falënderuese, pasi ne nuk kishim publikuar asnjë shkrim, por po kryenim detyrën. E morëm, e pyetëm ajo që duhet të bëjnë gazetarët sa herë kanë informacion.

Ajo duhet të ishte falënderuese se ne e morëm e konfirmuam lajmin kishte ndodhur apo jo atje, pasi dyshuam dhe kemi të gjitha arsyet për ta verifikuar sepse mund të ishte një klinikë tjetër dhe pa dashje pa asnjë qëllim duke qenë një ngjarje e rëndë e humbjes së jetës së një fëmije, mund të godisnim dhe t'i shkaktonim pasoja një klinike tjetër.

Për të mos ngatërruar emrat, pikërsisht për të qenë profesionistë, por nga ana tjetër na u shfaq drejtoresha, e cila nuk la fjalë pa thënë, duke kërcënuar, duke shantazhuar “pse kush jeni ju”, “pse e bëni këtë ju’’, “ne do t'ju hedhim në gjyq, do përballeni me ligjin e të tjera”.

Në fakt, drejtoresha duhet të kuptojë se, cila është detyra e medias. Ndoshta s'i ka ndodhur në jetë apo ndoshta varet me çfarë është përballur, me çfarë gazetarësh, ndoshta i kanë vënë gjoba, ndoshta e kanë shantazhuar, ndoshta e kanë kërcënuar, kanë shpifur ndoshta, i kanë prishur imazhin, e kanë goditur, por ne s'e kemi bërë jo vetëm me të, por me askënd tjetër.

Pikërisht qëllimi ynë ishte zbardhja e së vërtetës dhe që mos të kishte pasoja kjo kompani, ky subjekt apo çdo lloj biznesi tjetër që nuk ishte i përfshirë në ngjarje.

Por në vend që të merrnim falënderimet për punën tonë dhe nga ana tjetër ne e falënderuam që na u përgjigj korrekt asistentja, sekretarja e klinikës, shfaqet drejtoresha, turpësisht me gjuhën e atyre që bëjnë të kundërtën e asaj që ne bëmë.

Punën e atyre që shajnë, që shpifin, që sulmojnë, shantazhojnë, që vënë gjobën, që shkatërrojnë kompani, që i sulmojnë me emra, për t'u marrë një shukë lekësh dhe drejtoresha me një gjuhë të turpshme, fyese dhe kërcënuese, i drejtohet stafit tonë.

Këtë shkrim po e publikojmë jo për të thënë se sa shumë mirë e bëjmë punën ne, jo aspak. Edhe ne kemi të metat tona, por kurrsesi nuk mund të pranojmë që një menaxhues subjekti, klinike apo shërbimesh, të ketë qasjen e një banditi ndaj medias thjesht dhe vetëm se ne kërkuam informacionin e saktë për të zbuluar se, kush ishte klinika që kishte ndodhur një ngjarje kriminale, e cila i ka kushtuar jetën një fëmije 3-vjeçar./ CNA





Lajmet e fundit nga