web counter
LEXO PA REKLAMA!

SHKARKO APP

App Store
Google Play

E fundit!

x

DETAJE nga vdekja e të miturit në Tiranë/ Urgjenca e klinikës private nuk u përgjigj

5 Tetor 2023, 11:46, Kronika CNA
DETAJE nga vdekja e të miturit në Tiranë/ Urgjenca e
Foto ilustruese

Detaje të reja kanë dalë nga ngjarja e rëndë në Tiranë, ku një i mitur i moshës 3-vjeç humbi jetën pasi hoqi një dhëmb në një klinikë private. 

Sipas familjarëve të të miturit, atij i është bërë anestezi totale dhe pas përfundimit të të gjitha procedurave, prindërit kanë marrë fëmijën dhe janë larguar drejt banesës. Por pas disa orësh, 3-vjeçari është ndjerë keq.

Prindërit kanë telefonuar menjëherë klinikën, ku nuk i është përgjigjur askush në telefon dhe më pas i mituri është  transportuar me urgjencë në Pediatrinë e QSUT-së.

Gjendja e fëmijës është përkeqësuar, pasi mori narkozë në masë jo të duhur. Ai qëndroi dy ditë në reanimacionin e QSUT-së dhe më pas ndërroi jetë.

Për ngjarjen e rëndë, policia ka nisur hetimet për mjekun me iniciale R.Xh. 

 

“Specialistët për Hetimin e Krimeve të Komisariatit të Policisë Nr. 4 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për shtetasin R. Xh., 70 vjeç, banues në Tiranë, për veprën penale “Mjekimi i pakujdesshëm”, pasi ka bërë kallëzim shtetasi B. S. se shtetasi R. Xh. ka mjekuar në mënyrë të pakujdesshme në klinikën e tij private, djalin 3-vjeçar të shtetasit B. S., i cili pas mjekimit në këtë klinikë ka shfaqur komplikacione dhe pas 3 ditësh, ka humbur jetën, në spital.”, thuhet në njoftimin e policisë.

 

 





Lajmet e fundit nga