web counter
LEXO PA REKLAMA!

SHKARKO APP

App Store
Google Play

E fundit!

x

Artan Tafani rrëfen vrasjen e Elton Mermalit/ “Nuk mora para, e bëra si nder për Laert Haxhian”

4 Tetor 2023, 20:07, Kronika CNA

Artan Tafani rrëfen vrasjen e Elton Mermalit/ “Nuk mora para, e

I penduari i drejtësisë, Artan Tafani ka zbuluar se vrasjen e Elton Mermalit, e ka kryer në bashkëpunim me Lulzim Spahiun alias Arapi për llogari të Laert Haxhiat.

Ai ka rrëfyer para hetuesve se Mermali kishte qenë pjesë e bandës së Aldo Bares dhe në vitin 1998, ai kishte marrë pjesë në vrasjen e Bledar Haxhias dhe Artan Sulçes.

Kjo, sipas tij, ka qenë edhe arsyeja se përse Haxhia donte ta eleminonte, madje kishte kërkuar “kokën” e Mermalit në të njejtin muaj që u vra edhe kushëriri i tij.

Sipas dosjes së zbardhur në media, i penduari i drejtësisë ka thënë se për këtë krim nuk ka marrë para dhe se ia ka bërë si nder Laert Haxhias.

“… ne kishim rënë në dijeni se Mermali kishte dalë nga burgu dhe pinte heroinë me disa djem të lagjes, por edhe me mua. Atë ditë kam qenë i veshur me një bokser jelek ngjyrë të zezë. Mermalin e njihja herët dhe ai ishte përdorues i heroinës. Duke pasur informacion që ai kërkonte të pinte heroinë, e kam gënjyer duke i thënë se në një vend kam fshehur heroinë, të shkojmë ta marrim dhe ta pijmë. Mermali ka pranuar në mbrëmjen e 13 qershorit 2021 kam shkuar me makinë tek lagjja e tij.

Ai sapo më ka parë ka hipur vetë në makinë dhe më pas jam drejtuar drejt rrugës që del nga Lushnja. Atë mbrëmje me vete kam marrë dhe Lulzim Arapin, që ishte pjesë e planit të bërë me Laert Haxhian. Kemi shkuar në Peqin, dhe buzë një muri jemi drejtuar tek disa ferra, duke e gënjyer Mermalin se aty ndodhej heroina. E gjitha ka qenë një mashtrim.

Në kërkime për të gjetur heroinën, është përfshirë dhe vetë Mermali, i cili sapo ka ulur kokën për të parë nëse kishte heroinë, e kam qëlluar me plumb pas koke. Një plumb në kokë dhe dy në trup, për tu siguruar që ai kishte vdekur. Më pas jemi larguar, duke lënë trupin e tij aty mes ferrave… ndërsa pas ngjarjes kemi njoftuar dhe Laert Haxhiun”, ka rrëfyer ai, teksa ka zbuluar të gjitha veprimet e tij ditën e vrasjes./ CNA





Lajmet e fundit nga