web counter
LEXO PA REKLAMA!

SHKARKO APP

App Store
Google Play

I plagosuri në Dukagjin i del në mbrojtje kushëririt/ “Nuk ka lidhje me ngjarjen, të gjenden autorët e vërtetë”

4 Tetor 2023, 11:34, Kronika CNA

I plagosuri në Dukagjin i del në mbrojtje kushëririt/ “Nuk

Gjin Guri, i plagosuri në Dukagjin, i ka dalë në mbrojtje kushëririt të tij, Gjovalin Guri, duke thënë se nuk është ai autori i ngjarjes së rëndë nga ku mbeti i vrarë babai i tij dhe vetë u plagos rëndë.

Ai ka kërkuar nga policia të gjejë autorët e vërtetë të vrasjes së babait dhe jo të akuzojë djalin e xhaxhait që sipas tij nuk ka asnjë lidhje me ngjarjen e rëndë që ndodhi më 27 shtator në aksin Shosh-Kir në Dukagjin.

Në një intervsitë për mediat, ai ka rrëfyer dhe momente nga ngjarja. Gjin Guri është shprehur se teksa po vinte me babain nga Shoshi në drejtim të Shkodrës është qëlluar me automatik nga të paktën dy persona.

Ai ka treguar se i është dashur të devijojë rrugën për t’i shpëtuar breshërisë së plumbave.

Të njëjtën deklaratë ai e ka dhënë edhe për Policinë e Shtetit, duke i hedhur poshtë pretendimet e saj se autori i ngjarjes është Gjovalin Guri, kushëriri i tij.

Një ditë më parë, Gjovalin Guri mohoi të gjitha akuzat nga arratia duke thënë se nuk ka asnjë lidhje me akuzat që po i bëhen. Ai i bëri thirrje policisë të bëjë drejtësi dhe ta çlirojë nga akuzat./ CNA





Lajmet e fundit nga