web counter
LEXO PA REKLAMA!

SHKARKO APP

App Store
Google Play

I mituri humbi jetën pas ndërhyrjes në klinikën dentare/ Prokuroria nis hetimet

6 Tetor 2023, 09:16, Aktualitet CNA
I mituri humbi jetën pas ndërhyrjes në klinikën dentare/
Mjeku Roland Xhaxho

Prokuroria ka nisur hetimet për rastin e 3-vjeçarit që humbi jetën pas bëri një ndërhyrje kirurgjikale në klinikën dentare të doktor Roland Xhaxhos.

Prokuroria ka sekuestruar kartelat në klinkën private “Splendent” si dhe në QSUT.

3-vjeçari, B.S, humbi jetën para pak ditësh, pasi kishte kryer një ndërhyrje në klinikën e Roland Xhaxhos.

Sipas raportimit të familjarëve, djali kishte qëndruar për orë të tëra në operacion dhe i është bërë anestezi e plotë dhe më pas është nxjerrë nga klinika në gjendje shumë të rënduar.

Gjyshi  i 3-vjeçarit është shprehur se pas daljes nga klinika pas gjysmë ore fëmija ka shfaqur komplikacione.

Më pas është kontaktuar mjeku por nuk i është përgjigjur thirrjeve dhe fëmijën e kanë dërguar në QSUT te Pediatria ku dhe ka ndërruar jetë.

Për këtë rast nuk ka patur asnjë reagim nga Ministria e Shëndetësisë.

Nga ana tjetër mjeku Roland Xhaxho ka dhënë versionin e tij për rastin, duke thënë se djali ka dalë mirë nga ndërhyrja dhe gjendja e fëmijës është përkeqësuar në shtëpi./ CNA





Lajmet e fundit nga