web counter
LEXO PA REKLAMA!

SHKARKO APP

App Store
Google Play

E fundit!

x

Policia, masa për zgjedhjet në Himarë/ 52 efektivë, në gatishmëri

3 Gusht 2024, 18:26, Aktualitet CNA

Policia, masa për zgjedhjet në Himarë/ 52 efektivë, në

Policia ka marrë masa për mbarëvajtjen e procesit zgjedhor, në Bashkinë e Himarës, që do të mbahet nesër.

Punonjësve të policisë i janë ndarë detyrat për ruajtjen e qendrave dhe materialeve të votimit këtë të shtunë nga drejtuesit e tyre.

Në këtë proces zgjedhor janë të angazhuar 52 punonjës policie që do të sigurojnë materialet zgjedhore në 36 qendrat e votimit.

Blutë i bëjnë thirrje qytetarëve dhe partive politike që të respektojnë plotësisht të gjitha detyrimet ligjore.

Policia, masa për zgjedhjet në Himarë/ 52 efektivë, në

Njoftimi i policisë:

Himarë/Policia masa për mbarëvajtjen e procesit zgjedhor të datës 04 Gusht 2024, në bashkinë Himarë.

Në Komisariatin e Policisë Himarë, Drejtori për Rendin dhe Sigurinë Publike dhe Shefi i Sektorit të Rendit në Departamentin e Sigurisë Publike në Drejtorinë e Përgjithshme të Policisë së Shtetit, së bashku me Zëvendësdrejtorin për Rendin dhe Sigurinë Publike në DVP Vlorë dhe Shefin e Komisaratit të Policisë Himarë, zhvilluan instruktazhin me punonjësit e Policisë të angazhuar me detyra në procesin zgjedhor.

Punonjësve të Policisë iu komunikuan detyrat që ka secili prej tyre për ruajtjen e qendrave dhe materialeve të votimit, si dhe masat e ndërmarra me qëllim garantimin e rendit dhe sigurisë publike dhe mbarëvajtjen e procesit gjatë procesit zgjedhor të datës 04 Gusht 2024.

Policia, masa për zgjedhjet në Himarë/ 52 efektivë, në

I gjithë personeli policor i angazhuar me detyra gjatë procesit zgjedhor është i trajnuar për detyrat që ka dhe që kryen Policia e Shtetit gjatë procesit zgjedhor.

Është miratuar nga KQZ-ja lista e punonjësve të Policisë që do të angazhohen në procesin zgjedhor.

Në këtë proces zgjedhor janë të angazhuar 52 punonjës policie që do të sigurojnë materialet zgjedhore në 36 qendrat e votimit.

Në këtë kuadër, apelojmë për të gjithë qytetarët dhe subjektet e përfshira në këtë proces që të respektojnë plotësisht të gjitha detyrimet ligjore me të cilat i ngarkon Kodi Zgjedhor dhe ligjet e tjera.

Policia, masa për zgjedhjet në Himarë/ 52 efektivë, në

Gjithashtu, Policia e Shtetit garanton qytetarët se ka ndërmarrë të gjitha masat që e drejta e tyre kushtetuese për zgjedhjen e drejtuesit të pushtetit lokal të ushtrohet e lirë, e qetë, e pacenuar dhe e paintimiduar prej askujt.

Strukturat e Drejtorisë Vendore të Policisë Vlorë dhe të Komisariatit të Policisë Himarë janë tejet të vendosura dhe të angazhuara për të mbajtur në kontroll të plotë gjithë territorin, me qëllimin e vetëm të sundimit të ligjit./ CNA





Lajmet e fundit nga