web counter
LEXO PA REKLAMA!

SHKARKO APP

App Store
Google Play

E fundit!

x

Irena Beqiraj: Komandant, na thuaj cilat revista, gazeta e portale duhet të lexojmë!

3 Gusht 2024, 13:40, Aktualitet CNA
Irena Beqiraj: Komandant, na thuaj cilat revista, gazeta e portale duhet të
Foto ilustruese

Një artikull i fundit i publikuar nga revista prestigjioze “Forbes”, e ka renditur Shqipërinë në vendin e fundit për pastërtinë e ujërave të detit. Vendin e parë e mban Kroacia si shteti me ujin më të pastër të deteve.

Nuk ka munguar një reagim nga ish-zëvendësministrja e Financave, Irena Beqiraj, e cila në rrjetet sociale nuk ka kursuyer edhe ironinë ndaj kryeministri Edi Rama.

Ajo është shprehur "se ata paditurit e Forbes-it që kanë shkruar raportin, pa mëdyshje i klasifikova tek sabotuesit e ziliqarët e  mbrekullisë së fundit turistike në Europë."

Një ditë më parë kryeministri në një dalje publike nga Dhërmiu u shpreh se shifrat e turizimit në vend nuk janë ulur por janë rritur. 

Reagimi i plotë:

Teksa pija kafen e mëngjesit, lexoja Forbes.

Më del përpara artikulli me titull "Vendet me ujërat më të pastra të notueshme në Europë, të renditura sipas raportit të fundit”.

E hap me bindjen se Shqipëria në mos e para, do të ishte në 5-shen e parë! Teksa ulesha më poshtë në renditje, nuk e gjeta as të 10-en.

Për zhgënjimin tim Shqipëria jonë ishte e fundit për pastërtinë e ujërave të notueshme bregdetare, po ashtu e fundit për pastërtinë e ujërave të notueshme në liqene e lumenj.

Këto të Forbes, edhe ata të paditurit që kanë shkruar raportin, pa mëdyshje i klasifikova tek sabotuesit e ziliqarët e  mbrekullisë së fundit turistike në Europë.

Pas këtij zhgënjimi, Forbes-in do ta braktis. Por çfarë ta lexoj? Kështu Komandat, që të mos dizinformohemi lart e poshtë, merre edhe një herë mundimin, prishi pushimet e na listo gazetat, revistat, portalet që qeveria paguhen për të shkruar mbi “Mbrekullinë Shqiptare”./CNA 





Lajmet e fundit nga