web counter
LEXO PA REKLAMA!

SHKARKO APP

App Store
Google Play

E fundit!

x

Dokumentet e koncesionit i bëri Zoto/ Zyrtarët, “në rresht për një” firmosën pro inceneratorit të Tiranës

2 Gusht 2024, 18:00, Aktualitet CNA
Dokumentet e koncesionit i bëri Zoto/ Zyrtarët, “në rresht
Klodian Zoto

SPAK ka zbardhur detaje nga dosja e parë për inceneratorin e Tiranës, për të cilën janë marrë të pandehur 12 persona.

Konkretisht, të pandehur janë marrë Lefter Koka, Pëllumb Abeshi, Erjon Murataj, Bledar Karoli, Taulant Tusha, Namik Simixhiu, Etleva Kondi, Alba Thoma, Valbona Ballgjini, Sidita Kopliku, Jetmir Llapaj, Silena Tola.

Këta persona kanë favorizuar kompaninë “Integrated Energy BV” për të fituar koncesionin në Tiranë.

SPAK deklaron se “Integrated Energy BV” ka qenë në dijeni të rrethanave konkuruese para se të shpallej procedura.

Kompania koncesionare, pas së cilës Prokuroria e Posaçme ka deklaruar se fshiheshin Klodian Zoto dhe Mirel Mërtiri, është ndihmuar nga funksionarët e Ministrisë së Mjedisit, si dhe nga anëtarët e komisionit të dhënies së koncesionit.

Ajo është pajisur me dokumentacionin e nevojshëm që duhej të dorëzonte në Ministrinë e Mjedisit para dhe gjatë procedurës koncesionare, me qëllim shpalljen fitues të kësaj shoqërie.

Edhe për dokumentet standarte të koncesionit, në njoftim thuhet se nuk janë hartuar nga anëtarët e komisionit, të cilët nuk kanë mbajtur mbledhje apo procesverbal për këtë çështje.

Sipas SPAK-ut, dokumentet janë hartuar nga Klodian Zoto, i cili ia ka dërguar më pas punonjësve të Ministrisë së Mjedisit, Alba Thoma dhe Bledar Karoli.

Këta dy të fundit kanë shërbyer si “urë lidhëse” me Klodian Zoton, ndërsa ish-ministri Lefter Koka ka miratuar procedurën, pa patur dokumentacion shoqërues të hartimit të Dokumenteve Standarte të Koncesionit nga ana e Komisionit.

Dokumentet e koncesionit i bëri Zoto/ Zyrtarët, “në rresht
Fotomontazh - SPAK dhe Lefter Koka

Pjesë nga njoftimi i SPAK-ut:

Në lidhje me procedurën e dhënies së koncesionit me objekt: “Ndërtim landfilli, inceneratori dhe rehabilitimi i vend depozitimeve ekzituese Tiranë dhe prodhimin e energjisë elektrike”, rezulton se shoqëria propozuese “Integrated Energy BV” (në përbërje të së cilës është aksionere edhe shoqëria e shtetasit Klodian Zoto, “Integrated Technology Services” sh.p.k)ka qenë në dijeni të rrethanave konkuruese para se të shpallej procedura. Kjo ka ndodhur në sajë të ndihmës së dhënë nga vetë funksionarët e Ministrisë së Mjedisit, Lefter Koka, ish Ministër i Mjedisit,  Alba Thoma, Drejtoreshë e Drejtorisë Juridike, Bledar Karoli, Përgjegjës i Sektorit të Prokurimeve, si dhe nga anëtarët e komisionit të dhënies së koncesionit, Valbona Ballgjini, Pëllumb Abeshi, Erjon Murataj, Sidita Kopliku, Etleva Kondi, Taulant Tusha, Namik Simixhiu, ku shoqëria propozuese “Integrated Energy BV” është pajisur me dokumentacionin e nevojshëm që duhej të dorëzonte në Ministrinë e Mjedisit para dhe gjatë procedurës koncesionare, me qëllim shpalljen fitues të kësaj shoqërie.

Në lidhje me hartimin dhe miratimin e dokumenteve standarte të koncesionit, anëtarët e komisionit të dhënies së koncesionit, Valbona Ballgjini, Pëllumb Abeshi, Erjon Murataj, Sidita Kopliku, Etleva Kondi, Taulant Tusha, Namik Simixhiu, në bashkëpunim me titullarin e Autoritetit Kontraktor, Lefter Koka, ish Ministër i Mjedisit, kanë vepruar në kundërshtim me ligjin nr. 125/2013, “Për koncesionet dhe partneritetin publik privat”, i ndryshuar, si dhe VKM nr. 575, datë 10.07.2013, “Për miratimin e rregullave për vlerësimin dhe dhënien me koncesion, partneritet publik privat”, i ndryshuar.  Dokumentet Standarte të Koncesionit nuk rezultojnë të jenë hartuar dhe miratuar nga anëtarët e komisionit, në kohën që këto dokumente janë ngarkuar në Sistemin e Prokurimit Elektronik, pasi rezulton se nga ana e komisionit nuk është mbajtur mbledhje apo procesverbal për hartimin e Dokumenteve Standarte të Koncesionit. 

Rezulton se Dokumentet Standarte të Procedurës së Koncesionit janë hartuar nga punonjësit e shtetasit Klodian Zoto, pronar i shoqërisë “Integrated Technology Services” sh.p.k, pjesëmarrëse në këtë procedurë koncesioni si aksioner i shoqërisë holandeze “Integrated Energy BV”, i cili jua ka dërguar më pas punonjësve të Ministrisë së Mjedisit, të pandehurve Alba Thoma dhe Bledar Karoli. Në këtë kohë, këta dy shtetas kanë shërbyer si “urë lidhëse” ndërmjet Autoritetit Kontraktor, Ministrisë së Mjedisit dhe shoqërisë së shtetasit Klodian Zoto. Nga ana e titullarit të Autoritetit Kontraktor, ish Ministri i Mjedisit, Lefter Koka,është miratuar vazhdimi i procedurës së dhënies së koncesionit, pa patur dokumentacion shoqërues të hartimit të Dokumenteve Standarte të Koncesionit nga ana e Komisionit./ CNA





Lajmet e fundit nga