web counter
LEXO PA REKLAMA!

SHKARKO APP

App Store
Google Play

E fundit!

x

Pak ditë nga hapja e rrugës Qukës-Qafë Plloçë

2 Gusht 2025, 11:26, Aktualitet CNA

Pak ditë nga hapja e rrugës Qukës-Qafë Plloçë

E filluar në vitin 2014, pas gati 11 vitesh pritja po merr fund dhe juglindja do të ketë aksin rrugor Qukës-Qafë Plloçë, i cili sipas një vëzhgimi të bërë nga CNA pritet të hapet në ditët në vijim para përfundimit të muajit gusht.

Pas afateve të reja të vendosura nga zëvendëskryeministrja dhe ministrja e Infrastrukturës Belinda Balluku duket se ritmet e punimeve kanë qenë të larta. CNA ka bërë një vëzhgim dhe kemi sjellë shpesh foto dhe materiale nga ky segment rrugor.

Në fakt, punimet ecën me ritmin e breshkës për shkak të mungesës së projektit, të fondeve të paplota etj., por tani duket se dita e hapjes së saj është shumë e afërt.

Burimet nga kompanitë që po ndërtojnë këtë aks rrugor theksojnë se në dy lote gjtihçka është gati ndërsa në lotin e tretë kompania kontraktore është duke kryer një gërmim të fundit në një zonë ku nuk ishte parashikuar më parë.

Të njëjtat burime theksojnë se janë kryer volum i madh punimesh për shkak të rrëshqitjeve, të terrenit të vështirë, problematika që ka shfaqur rruga e mosrakordimit të niveleve të rrugës nga njëri lot në tjetrin.

Por mesa duket tashmë gjithçka po shkon drejt fundit dhe shpresohet se rreth datës 20-25 gusht, pra brenda këtij muaji, të hapet i plotë segmenti Qukës-Qafë Plloçë, aks që do të shkurtojë distancën nga kryeqyteti, por edhe kohën pasi do të kemi një rrugë të re me një shpejtësi më të lartë dhe Korça do të jetë shumë shpejt dhe në përfundimin e segmenteve të Korridorit të VIII, të cilat po ashtu do ta afrojnë edhe më shumë Juglindjen./ CNA

 





Lajmet e fundit nga