web counter
LEXO PA REKLAMA!

SHKARKO APP

App Store
Google Play

E fundit!

x

Zjarrvëniet e qëllimshme/ Paralajmëron ministri Hoxha: Ata që rrezikojnë natyrën do të mbajnë përgjegjësi

31 Korrik 2025, 14:14, Aktualitet CNA
Zjarrvëniet e qëllimshme/ Paralajmëron ministri Hoxha: Ata
Ministri i Brendshëm Ervin Hoxha

Ministri i Brendshëm, Ervin Hoxha, ka folur për situatën e zjarreve në vend ku është shprehur se ka qenë një nga vitet më të vështira sa u përket zjarreve.

Hoxha bëri bilancin duke thënë se në vend ka pasur 59 zjarre të mëdha dhe 961 zjarre të vogla.

Ministri theksoi se shumica e zjarreve në vend ka qenë zjarrvënie e qëllimshme, ndërsa paralajmëroi se ata që rrezikojnë natyrën do të mbajnë përgjegjësi.

“Shumica e zjarreve janë të qëllimshme. Ky ka qenë ndër vitet më të vështira sa u përket zjarreve. Deri sot, vendi ka pasur 59 zjarre të mëdha, 961 ishin zjarre të vogla, si p.sh. në banesa ose kullota.

Përballë kësaj situate reagimi ynë ka qenë i menjëhershëm. Mobilizimi i jashtëzakonshëm ka dhënë rezultate, ne nuk kemi humbje jete dhe është ndaluar përhapja e zjarrit në infrastrukturë kritike.

Por, 2 efektivë janë lënduar në një akt heroik. Punonjësi i policisë, Agim Troci, shef i komisariatit Delvinë, është jashtë rrezikut për jetën, që u plagos, teksa ndërhyri në një zjarr në një banesë.

Sa u përket zjarreve, kemi të bëjmë më tepër me faktorin njerëzor, ndonjëherë ka zjarrvënës të qëllimshëm, por edhe zjarrvënie pa dashje.

120 persona janë proceduar në total për zjarrvënie dhe 21 janë arrestuar. Kjo vepër penale, që lidhet me zjarrvënien e qëllimshme, duhet të ashpërsohet në dënim.

Ata që rrezikojnë jetën e natyrën, do të mbajnë përgjegjësi. Parashikimet janë që edhe gushti do jetë i vështirë për ne, ndaj përgjegjësia është e madhe”, tha Hoxha./ CNA





Lajmet e fundit nga