web counter
LEXO PA REKLAMA!

SHKARKO APP

App Store
Google Play

E fundit!

x

Vrau 52-vjeçaren/ Gjykata lë në burg autorin

31 Korrik 2025, 13:57, Aktualitet CNA

Vrau 52-vjeçaren/ Gjykata lë në burg autorin

Gjykata ka vendosur masën "Arrest në burg" për 31-vjeçarin Ilirjan Selmani që vrau 52-vjeçaren Kozeta Teço.

Selmani ka vrarë partneren e tij 52-vjeçare duke e vrarë me thikë dhe më pas i ka vënë zjarrin banesës ku viktima jetonte. 

31-vjeçari ditën e arrestimit mohoi krimin, ndërsa grupi hetimor ka siguruar të gjitha provat që tregojnë se 31-vjeçari është autori i vrasjes së 52-vjeçares.

"Fillimisht dua te shprehim nje ndjese per viktimen, pavarsisht nese eshte apo jo i mbrojtur nga une autori i vepres penale, por si qytetar i Pogradecit i shpreh familjes ngushellimet e mia per humbjen e saj.

I mbrojturi nga une ne asnje moment nuk e ka pranuar autorsine e kryerjes se vepres penale, as ne polici as para gjykates dhe as gjithe procedures te pyetjeve te bere ndaj tij. Ka mbajtur nje qendrim qe ka te beje me personalitetin e tij qe eshte nje djale shumë i mirë dhe kurrsesi nuk mund të kryej një krim kaq të rëndë.

Edhe faktin e bashkëjtesës me viktimën ai nuk e ka pranuar. Ai ka pranuar që ka pasur një njohje, një njohje në kuptimin e fjalës pra si nje njohje shoqërore apo cdo lloj njohje tjetër, por jo bashkëjetesë. Bashkëjetesa i referohet edhe ligjit dhe percaktimeve të bëra në kodin e familjes se si është e ndërtuar bashkëjetesa, kurrsesi nuk jemi më rastet e bashkëjetesës.

Prokuroria ka paraqitur një sërë provash per të ruajtur konfidencialitetin e këtij hetimi. Ne nuk prononcohemi në lidhje me këto prova të garantuara nga ana e policisë deri në këto momente, por me bindje ne si mbrojtje deklarojmë para jush që prova dhe dyshim të arsyeshëm të bazuar në prova për të mbrojtur prej meje si autor i kësaj vepre penale nuk ka. Kjo është bindja jonë deri në këto momente.

Ai nuk ka pranuar në asnje moment autorsinë e krimit të ngarkuar ndaj tij. Po kështu ka shprehur keqardhje për viktimën duke qënë i shokuar në lidhje me lajmin që ka marrë për të.

Nuk mund të prononcohem për provat e garantuara deri në këto momente, ai është një sekret hetimor që i përket prokurorisë, gjykatës dhe mbrojtjes", u shpreh avokati i 31-vjeçarit. / CNA





Lajmet e fundit nga