web counter
LEXO PA REKLAMA!

SHKARKO APP

App Store
Google Play

Reshjet e shiut shuajnë pothuajse të gjitha zjarret në vend

30 Korrik 2025, 09:58, Aktualitet CNA

Reshjet e shiut shuajnë pothuajse të gjitha zjarret në vend

Gjatë 24 orëve të fundit, për shkak edhe të reshjeve të shiut në pothuajse të gjithë territorin e Republikës së Shqipërisë, janë shuar të gjitha vatrat e zjarrit. Mbetet aktive një vatër zjarri në fshatin Spatharë, njësia administrative Vëndreshë, Bashkia Skrapar.

Zjarre të shuara janë në:

* Fshatin Plan i Bardhë dhe malin e Allushit, bashkia Klos. Si pasojë u dogjën rreth 120 ha dhe u përshkuan rreth 350 ha me shkurre, pisha dhe lisa.

* Fshatin Zall Gjoçaj, njësia administrative Derjan, bashkia Mat. Si pasojë u dogjën rreth 20 ha dhe u përshkuan rreth 499 ha me shkurre, pisha dhe ah.

* Fshatin Gur i Bardhë, njësia administrative Xibër, bashkia Klos.

* Fshatin Gurë-Lurë, njësia administrative Lurë, bashkia Dibër. Si pasojë u dogjën rreth 55 ha dhe u përshkuan rreth 580 ha me shkurre, pisha dhe ah.

* Vendin e quajtur “Qafa e Buallit”, njësia administrative Bulqizë, ku pavarësisht punës së forcave në terren dhe ndërhyrjes nga ajri me helikopter, u dogjën rreth 22 ha dhe u përshkuan rreth 35 ha me shkurre, pisha dhe kullota.

Në bazë të parashikimeve të Institutit të Gjeoshkencave, sot priten reshje të dobëta në qarqet Kukës, Dibër, Elbasan, Berat dhe Korçë, dhe lokalisht të dobëta në qarqet e tjera.

Sa u përket zjarreve, sot pritet nivel rreziku “I LARTË” në qarkun Fier. Në qarqet Elbasan, Berat, Korçë, Vlorë dhe Gjirokastër pritet nivel rreziku “I MODERUAR”. Në qarqet Lezhë, Durrës dhe Tiranë pritet nivel rreziku “I ULËT".

Të gjitha strukturat e mbrojtjes civile vijojnë të jenë në gatishmëri për çdo rast nevoje./ CNA





Lajmet e fundit nga