web counter
LEXO PA REKLAMA!

SHKARKO APP

App Store
Google Play

‘Nuk dua që të merret si provokim’/ Ministri Çuçi ia mbath, tmerrohet nga protesta

4 Gusht 2022, 19:08, Aktualitet CNA
‘Nuk dua që të merret si provokim’/ Ministri
Ministri i Brendshëm, Bledi Çuçi

Ministri i Brendshëm, Bledi Çuçi, është larguar nga zyra e tij para fillimit të protestës për vdekjen e 7-vjeçares në Himarë, e cila u përplas nga skafi i drejtuar nga ish-efektivi Arjan Tase.

I kontaktuar nga “Euronews Albania”, Çuçi ka pohuar se nuk ka dashur që prania e tij brenda Ministrisë së Brendshme të merrej si provokim për protestuesit.

Në orën 19:00, pritet të fillojë protesta para Ministrisë së Brendshme, nga aktivistë të Shoqërisë Civile dhe qytetarë nën moton “Nuk e vrau varka, por shteti”.

Tubimi është njoftuar në rrjetet sociale, ndërkohë që dhe politikanë të opozitës kanë paralajmëruar pjesëmarrjen në këtë aktivitet.

Më 2 gusht, shtetasi Arjan Tase përplasi për vdekje një 7-vjeçare, teksa kryente manovra të rrezikshme me skaf.

Tase, ishte efektiv policie dhe u përjashtua nga radhët e policisë nga Drejtori i Përgjithshëm, Gledis Nano.

Ditën e sotme, Prokuroria e Vlorës ka rrëzuar të gjithë hetimin e bërë nga Agjencia për Mbikqyrjen Policore për Arjan Tasen, për të cilin ngriti akuzën e vrasjes nga pakujdesia.

Në dëshminë e tij, Tase ka sqaruar se gomonia të cilën e ngiste ka marrë gaz në mënyrë të menjëhershme dhe ka bërë një rrotullim në vend e për pasojë ai ka humbur kontrollin.





Lajmet e fundit nga