E fundit!

11:43 Aktualitet

Vrau me thikë fqinjin/ Gjykata e Durrësit cakton masën e sigurisë për 25-vjeçarin

Gjykata e Durrësit ka caktuar masën e sigurisë “arrest në ...

Ngjarja tronditëse në Himarë/ Meta: Duhet të shkarkohen ministrat dhe kryebashkiaku

4 Gusht 2022, 13:22, Aktualitet CNA

Ngjarja tronditëse në Himarë/ Meta: Duhet të shkarkohen

Kreu i PL-së, Ilir Meta

Kryetari i Partisë së Lirisë ka vizituar familjen Avdia për të përcjellë ngushëllimet e tij për humbjen e vogëlushes Jonada.

Gjatë një deklarate për mediat, Meta deklaroi se këtu nuk zbatohet kushtetuta, ligji, pasi sipas ish-Presidentit në Shqipëri ligjin e bëjnë të fortët.

Ndër të tjera, Meta theksoi se të gjithë qytetarët duhet të dalin sot në protestë në mënyrë që në të ardhmen të shmangen ngjarje të tilla që tronditin opinion publik.

Sipas Metës, minimumi që duhet të kishte bërë kryeministri Edi Rama në këtë situatë është që të kishte shkarkuar ministrat përgjegjës dhe kryebashkiakun e vendit ku ndodhi ngjarja.

“Ekziston një legjislacion për sigurinë në plazhe, i cili nuk është respektuar.

Është një vrasje e paralajmëruar se kanë ndodhur raste të tilla edhe më parë. Ashtu siç kanë ndodhur edhe më parë plagosje dhe askush nuk e ka vënë ujin në zjarr. Më e rëndë është që në një moment që duhet të shfaqet pendesa, refletkimi apo marrja e vendimeve të qarta nga të gjithë drejtuesit, në të njëtin moment na shpallet që Shqipëria qenka e para në rajon për sigurinë në plazhe. Nuk ka fyrje dhe tallje me të madhe për popullin i cili e ka përjetuar këtë tragjedi si një e vetme.

Këtu nuk zbatohet kushtetuta, ligji, sepse këtu ligjin e bëjnë të fortët dhe ajo pamja e llahtarshme që ndodhi është pamje e një shteti brutal me qytetarët të pambrojtur.

Çdo qytetar duhe t'i bashkohet kësaj proteste jo vetëm për të shprehur solidaritetin me këtë familje fisnike, por njëkohësisht për të parandaluar ngjarje të tilla në atë ardhmen.

Kemi pasur edhe fatkeqësi të tjera dhe në mënyrë që t'u japim fund fatkeqësive të gjithë duhet të dilni në protestë.

Minimumi që duhej bërë ishte që të gjithë ministrat përgjegjës duhet të kishin dhënë dorëheqjen ose duhet të ishin shkarkuar bashkë me kryetarin e bashkisë ku ka ndodhur kjo ngjarje e rëndë”, tha Meta./A.E-CNA.al