web counter
LEXO PA REKLAMA!

SHKARKO APP

App Store
Google Play

E fundit!

x

Dy “fake news”-et që po qarkullojnë pas ngjarjes së Himarës për manovrat me “Jet Ski”

4 Gusht 2022, 15:09, Aktualitet CNA

Dy “fake news”-et që po qarkullojnë pas ngjarjes së

Kur vetëm dy ditë kanë kaluar nga ngjarja e rëndë e Himarës, në rrjet kanë nxituar të publikohen video të manovrave me “Jet Ski” ku thuhet se u rrezikohet jeta pushuesve dhe paraqiten si të ditëve të fundit.

Mirëpo, duket se pamjet që po qarkullojnë janë të vjetra, por po risillen duke luajtur me ndjeshmërinë e lartë të publikut, të prekur nga vdekja e vogëlushes 7-vjeçare në plazhin e Potamit në Himarë.

Rasti 1:

Portali “JOQ” ka publikuar një video të dërguar nga një qytetar, ku shihet se si një person kryen një manovër me “Jet Ski” për të bërë "show" dhe për pak i merr jetën një pushuesi. Ngjarja ka ndodhur në Shëngjin.

Mirëpo, kjo ngjarje nuk është aspak e ditëve të fundit. Përkundrazi është e dy viteve më parë. Dhe për ta kuptuar se sa e vjetër është videoja, mjafton të bëni krahasim të pamjeve në video me këtë foto të realizuar së fundmi nga i njëjti vend, ku është ngritur një ndërtesë.

Në video, e cila ka dy vjet e xhiruar ndërtesa nuk duket gjëkundi sepse nuk kishte nisur akoma ndërtimi i saj.

Dy “fake news”-et që po qarkullojnë pas ngjarjes së


Rasti 2:

Në një tjetër video e publikuar po nga “JOQ”, një polic shfaqet duke bërë manovra brenda bovave kufizuese, pak metra larg bregut, me një "Jet-Ski" me logo të Policisë së Shtetit, ndërkohë që filmohet nga një koleg i tij.

Por ajo që paraqitet në portale si një moment argëtimi dhe shkelje e rregullave nga policët me uniformë, në të vërtetë bëhet fjalë për një donacion “Jet Ski” që Policia ka marrë, po teston dhe po e filmon vetë për ta dokumentuar./hashtag.al





Lajmet e fundit nga