LEXO PA REKLAMA!

SHKARKO APP

“Nuk e vrau varka, por shteti”/ Nis protesta para Ministrisë së Brendshme për Jonadën

4 Gusht 2022, 19:02, Aktualitet CNA
“Nuk e vrau varka, por shteti”/ Nis protesta para Ministrisë
Foto nga vendngjarja

Ka nisur protesta para Ministrisë së Brendshme, e thirrur nga Shoqëria Civile nën moton: “Nuk e vrau varka, por shteti”.

Para ministrisë janë grumbulluar qytetarë të shumtë, të cilët kërkojnë drejtësi për Jonadën e vogël dhe më shumë siguri për fëmijët e tyre.

Kjo protestë vjen pas tragjedisë së ndodhur në plazhin e Potamit në Himarë, ku vogëlushja 7-vjeçare Jonada Avdia, u aksidentua për vdekje nga një skaf që drejtohej nga komisari Arjan Tase.

Shoqëria civile ka bërë thirrje për dorëheqjen e ministrit të Brendshëm Bledi Çuçi, Drejtorit të Përgjithshëm të Policisë së Shtetit Gledis Nano dhe ministres së Turizmit, Mirela Kumbaro, duke i bërë përgjegjës për ngjarjen tragjike.

Ndërkohë, kujtojmë se përgjatë këtyre ditëve janë mbajtur homazhe me qirinj e lule në vendin ku e vogla humbi jetën, si dhe para Kryeministrisë./CNA.al

 

Lajmet e fundit nga